Baskietboł. Biełaruski vyjhrali ŭ Izraila
Zbornaja Biełarusi (hałoŭny trenier -- Anatol Bujalski) atrymała druhuju pieramohu na čempijanacie Jeŭropy pa baskietbole, što prachodzić u zachodniaj Polščy.
U niadzielu našy dziaŭčaty vyjhrali ŭ Izraila 68:41 (18:12, 8:6, 21:18, 21:5).
Najlepšaj u nas była Taćciana Lichtarovič (13 bałaŭ + 5 padboraŭ), u Natalli Marčanki (11 + 3 padbory + 4 pieradačy), Kaciaryny Snycinaj (9 + 9+ 2), Taćciany Troinaj (9+6+1).
Učora biełaruski vyjhrali ŭ zbornaj Vialikabrytanii 55:40.
U hrupavym turniry padapiečnym Anatola Bujalskaha zastałosia pravieści matč z Čechijaj, ale jany ŭžo zabiaśpiečyli sabie vychad u 12-tku.
Na čempijanacie taksama razyhryvajucca pucioŭki ŭ kvalifikacyju alimpijskaha turniru ŭ Łondanie (2012). Treba zaniać na čempijanacie 5-je miesca (ci 6-je, kali ŭ piaciorcy finišuje Vialikabrytanija).