Futbalisty Kandraćjeva buduć sami zmahacca za pucioŭku na Alimpijadu
Bo Anhlija prajhrała Čechii.
Anhlija prajhrała Čechii (1:2) i nie prabiłasia ŭ paŭfinał moładzievaha čempijanatu Jeŭropy, što hetymi dniami prachodzić u Danii.
Pryčym brytancy pieršymi zabili hoł, jaki vyvodziŭ biełarusaŭ na Alimpijadu, ale..
Zhodna z rehłamientam, ad Jeŭropy na CHCHCH letnija hulni ŭ Łondanie ŭ 2012 hodzie pajeduć try najlepšyja kamandy, a zbornaja Anhlii biare ŭdzieł u im jak haspadynia. Z čatyroch zbornych, što zhulajuć u paŭfinałach, niechta lišni.
Nahadajem, što zbornaja Biełarusi (hałoŭny trenier -- Hieorhij Kandraćjeŭ) vyjšła ŭ paŭfinał čempijanatu Jeŭropy, dzie jaje supiernikam budzie Ispanija, što siońnia pieramahła Ukrainu 3:0.
Kab trapić na Alimpijadu, biełarusam treba finišavać minimum trecimi. Ci vyrašyć usie pytańni ŭžo ŭ hetu sieradu, vyjhraŭšy ŭ paŭfinale ŭ Ispanii.
Matč adbudziecca 22 červienia, pačatak a 19-j.
U druhim paŭfinale sustrenucca zbornyja Šviejcaryi i Čechii.
Finał i matč za 3-je miesca projduć u subotu, 25 červienia.