Zakliki da bajkotu vybaraŭ
Miron, Kazulin i aktyvisty na miescach zaklikajuć da źniaćcia apazycyjnych kandydataŭ z vybaraŭ.
U Viciebsku da bajkotu miascovych vybaraŭ zaklikaŭ lehiendarny Miron. Na dachu domu la Praletarskaje płoščy źjaviŭsia bieł‑čyrvona‑bieły ściah. Heta čaćviertaja za miesiac akcyja Mirona.
Pavodle miascovaha apazycyjanera Barysa Chamajdy, z krynicy, vartaj davieru, stała viadoma: da ściaha była prymacavanaja cydułka sa słovami «Bajkot vybarčamu farsu!» i podpisam — Miron.
U tym ža Viciebsku ad udziełu ŭ vybarach admoviŭsia staršynia viciebskaj arhanizacyi BNF Kastuś Smolikaŭ. Pavodle spadara Smolikava, rašeńnie admovicca ad udziełu ŭ vybarach jon pryniaŭ paśla taho, jak navat praz abłasny sud na kandydataŭ nie ŭdałosia zarehistravacca nivodnamu ź inšych demakratyčnych pradstaŭnikoŭ Viciebsku.
Na minułym tydni admovicca ad udziełu ŭ vybarach zaklikaŭ Alaksandar Kazulin.
Na pačatku śniežnia adbyŭsia niečarhovy źjezd Partyi kamunistaŭ Biełaruskaj (PKB). Tady forum z udziełam amal 250 delehataŭ rekamendavaŭ usim pretendentam PKB u kandydaty deputataŭ miascovych savietaŭ źniać svaje kandydatury. Častka kamunistyčnych kandydataŭ vyrašyli ŭstrymacca ad bajkotu «u ramkach eksperymentu».
Rašeńnie kamunistaŭ taksama padtrymali sacyjał‑demakraty z BSDP (Hramada).
Varta nahadać, što sioletnija miascovyja vybary amal biezalternatyŭnyja — siaredniaja kolkaść pretendentaŭ pa Biełarusi składaje 1,05 čałavieka na miesca. Na vybary nie zaprosiać mižnarodnych naziralnikaŭ.