Eks-kiraŭnik MZS Livii: Kadafi palacić z Trypali praz dva tydni, mahčyma, u Biełaruś
Hetaje rašeńnie dazvolić jamu paźbiehnuć pracesu ŭ Haazie i zachavać svaje hrošy.
Livijski lider Muamar Kadafi pakinie Liviju maksimum prazdva-try tydni, zajaviŭ Abdurachman Machamied Šałham, były ministr zamiežnych spraŭ Livii i pastajanny pradstaŭnik Trypali pry AAN, jaki pierajšoŭ na bok apazicyi, u intervju Corriere della Sera.
Pa słovach Šałhama, ciapier livijski dyktatar viadzie pieramovy z pradstaŭnikami šerahu siabroŭskich krain z tym, kab znajści rašeńnie, jakoje dazvolić jamu paźbiehnuć pracesu ŭ Mižnarodnym sudzie ŭ Haazie i pakinuć krainu, zachavaŭšy svaje hrošy. Dypłamat nie vyklučyŭ, što takoha rodu pieramovy mohuć vieścisia ź Biełaruśsiu.
Šałham, jaki blizka viedaŭ Kadafi na praciahu 40 hadoŭ, vykazaŭ zaniepakojenaść u suviazi z tym, što moža adbycca ŭ Trypali ŭ apošnija dni isnavańnia ciapierašniaha režymu.
«Kadafi — niebiaśpiečny čałaviek. Nie viedaju, što jon zrobić, pierš čym pakinuć Trypali», — cytuje
«Ja raźličvaju na žycharoŭ Trypali, jakija chočuć svabody i, upeŭnieny, vyratujuć svoj horad ad razbureńnia. Spadziajusia, što jany apynucca macniejšymi za złyja zadumy Kadafi», — dadaŭ jon.