Paźniak abviarhaje «falšyŭku ANT», zaklikaje hramadzian vychodzić na Narodnyja hulańni

«Ničoha nie budzie vyrašana, pakul krainaj kiruje ciemra», — miarkuje Paźniak.

«Ja ŭvohule nidzie [raniej] nie vykazvaŭsia i nie pisaŭ ničoha pra «revalucyju praz sacyjalnyja sietki». Pracytavanyja słovy — heta vydumka, nizkaść, na jakuju zdolnyja tolki łukašysckija saŭdzielniki», — zajaviŭ Zianon Paźniak.

Palityka «pracytavaŭ» telekanał ANT na svajoj internet-staroncy. Zhodna sa śćviardžeńniem telekanała, Paźniak zaklikaŭ ustrymacca ad udziełu «ŭ akcyjach pratestu, što rekłamujucca praz sacyjalnyja sietki». Falšyvaja cytata prahučała ŭ paŭhadzinnym filmie sa sprobaj dyskredytacyi maŭklivych pratestaŭ.

Paźniak nazyvaje materyjał «łukašysckaj peckaninaj».

Lidar Narodnaha Frontu, jaki pryvioŭ Biełaruś da niezaležnaści, naadvarot zaznačaje, što Narodnyja hulańni — «sprava dobraja i jaje treba raźvivać. Ničoha nie budzie vyrašana, pakul krainaj kiruje ciemra», — miarkuje Paźniak.

Kamientary da artykuła