«Revalucyja praz sacyjalnyja sietki» zaklikaje da adstaŭki Kulašova
Supołka "Revalucyja praz sacyjalnyja sietki" raspaŭsiudziła adkryty zvarot da kiraŭnika Biełarusi Alaksandra Łukašenki z zaklikam adpravić u adstaŭku ministra ŭnutranych spraŭ Anatola Kulašova.
U paviedamleńni havorycca, što 22 červienia 2011 hoda ŭ centry Minska i šerahu inšych haradoŭ suprać biełaruskich hramadzianaŭ byli kinutyja siły milicyi i śpiecnaza. Supracoŭniki pravaachoŭnych orhanaŭ, jakija pavinny abaraniać ludziej i praduchilać jakija-niebudź kanfliktnyja situacyi, biez usialakich pryčynaŭ zatrymlivali ludziej i advozili ich u RUUS.
"Kali ludzi sprabavali što-niebudź rastłumačyć abo vyśvietlić pryčynu svajho zatrymańnia, da ich užyvałasia fizičnaja siła. Vyjšaŭšy suprać mirnaha nasielnictva milicyja i AMAP učynili biaźmiežža", – havorycca ŭ zajavie.
Taksama supołka "Revalucyja praz sacyjalnyja sietki" nahadvaje, što kiraŭnik krainy abiacaŭ u vypadku, kali akcyja paŭtorycca, zvolnić z pasady ministra ŭnutranych spraŭ Anatola Kulašova.
"Dyk, kab bolš nie paŭtarałasia padobnaje biaźmiežža, zvolnicie Kulašova! Strymajcie svajo słova!", – zaklikaje kiraŭnika krainy supołka "Revalucyja praz sacyjalnyja sietki".