Milicyja kaža, što šviedskaha dypłamata 22 červienia nie zatrymlivali
+ fota sproby zatrymańnia
MUS abvierh infarmacyju pra zatrymańnie viečaram 22 červienia ŭ Minsku supracoŭnikami biełaruskaj milicyi namieśnika kiraŭnika pasolstva Šviecyi ŭ Biełarusi Devida Emtestama.
Zatrymańnie šviedskaha dypłamata viečaram 22 červienia, fota Reuters
«Ministerstva ŭnutranych spraŭ paviedamlaje, što hetaja infarmacyja nie adpaviadaje rečaisnaści. Spadar Emtestam pravaachoŭnymi orhanami Respubliki Biełaruś nie zatrymlivaŭsia», — havorycca ŭ paviedamleńni, raźmieščanym 23 červienia na sajcie MUS Biełarusi.
Nahadajem, pavodle źviestak šviedskaj haziety Aftonbladet, supracoŭniki biełaruskich pravaachoŭnych orhanaŭ sprabavali zatrymać druhoha sakratara pasolstva Šviecyi Devida Emtestama.
Fotazdymak, jaki vyjaviŭ sprobu zatrymańnia dypłamata, abyšoŭ uvieś śviet.
Emtestama adpuścili paśla taho, jak jon pradjaviŭ svaje dakumienty.
Devid Emtestam ciapier faktyčna kiruje pasolstvam Šviecyi ŭ Minsku, bo pasoł Stefan Eryksan znachodzicca ŭ adpačynku.
Pasoł Biełarusi ŭ Šviecyi Andrej Hrynkievič 23 červienia byŭ vyklikany ŭ Ministerstva zamiežnych spraŭ hetaj krainy. Jak paviedamiŭ sajt MZS Šviecyi, pasoł vyklikany ŭ suviazi ź incydentam sa šviedskim dypłamatam, jakoha pravaachoŭnyja orhany Biełarusi sprabavali zatrymać u Minsku viečaram 22 červienia padčas akcyi maŭklivaha pratestu.