Łukašenka budzie na Kastryčnickaj 28 červienia

U Pałacy respubliki budzie respublikanski bal vypusknikoŭ.

28 červienia (aŭtorak) u 18.00 u Pałacy Respubliki projdzie respublikanski bal vypusknikoŭ VNU Biełarusi.

Jak paviedamlaje sajt Ministerstva adukacyi Biełarusi, na bal zaprošana 270 lepšych vypusknikoŭ VNU z usich rehijonaŭ krainy i Minska, jakich pavinšuje Alaksandr Łukašenka.

Tematyka sioletniaha vypusknoha balu — 120-hodździe z dnia naradžeńnia kłasika biełaruskaj litaratury Maksima Bahdanoviča. Vypuskniki voźmuć udzieł u litaraturna-muzyčnaj kampazicyi, pryśviečanaj hetaj dacie, kala pomnika paetu i va ŭračystaj cyrymonii ŭskładańnia kvietak da manumienta na płoščy Pieramohi. Dla rehijanalnych delehacyj budzie taksama arhanizavana ekskursija ŭ Nacyjanalnaj akademičny Vialiki teatr opiery i baleta Biełarusi.

U dzień vypusknoha balu ŭ Minadukacyi adbudziecca sustreča jaho kiraŭnika Siarhieja Maskieviča z 28 vypusknikami vyšejšych navučalnych ustanoŭ 2011 hoda, pradstaŭlenymi da ŭznaharodžańnia hramatami Ministerstva adukacyi Biełarusi.

Kamientary da artykuła