Niaklajeŭ: Kampanija «Havary praŭdu!» pakul nie płanuje pieraŭtvaracca ŭ palityčnuju partyju
Kampanija «Havary praŭdu!» pakul nie płanuje pieraŭtvaracca ŭ palityčnuju partyju. Pra heta zajaviŭ lidar kampanii Uładzimir Niaklajeŭ 23 červienia padčasanłajn-kanfierencyi dla žurnalistaŭ.
Pavodle słoŭ Niaklajeva, z pačatku svajoj palityčnaj dziejnaści jon havaryŭ, što nie choča być partyjnym apazicyjanieram. «Ja zaŭsiody padkreślivaŭ, što nie źjaŭlajusia tradycyjnym pradstaŭnikom apazicyi», — skazaŭ jon.
«Havary praŭdu!» staić «pamiž uładaj i apazicyjaj», zajaviŭ Niaklajeŭ.
Pavodle jaho słoŭ, ciapier niama vialikaha sensu ahitavać za štości jak prychilnikaŭ ułady, tak i prychilnikaŭ apazicyi. «Niama sensu ahitavać prychilnikaŭ apazicyi, bo jany ŭsio roŭna buduć hałasavać za demakratyju suprać režymu. Jak niama sensu ahitavać i prychilnikaŭ Łukašenki», — skazaŭ palityk.
Niaklajeŭ zajaviŭ, što «Havary praŭdu!» budzie pracavać sa šmatlikaj častkaj nasielnictva, jakaja nie vyznačyłasia sa svaimi pieravahami. «My budziem prytrymlivacca sacyjalnaj palityki, pracavać ź ludźmi pa pytańniach, jakija ich chvalujuć kožny dzień», — skazaŭ jon.
«Heta najbolš dziejsny šlach, kab ludzi byli z nami», — pierakanany Niaklajeŭ.