Niaklajeŭ: Łukašenka ŭ siłach spynić sankcyi suprać Biełarusi
«Sankcyi — heta reakcyja na brutalnaść pavodzinaŭ uładaŭ, na sfalsifikavanyja vybary, na toje, jak Łukašenka abyšoŭsia z kandydatami i ich prychilnikami, na turmy»
zajaviŭ
Niaklajeŭ adznačyŭ, što sankcyi nie ŭviedzienyja pa zapatrabavańni Niaklajeva abo apazicyi. «Nichto b Niaklajeva nie pačuŭ, kali b hetyja sankcyi z 19 śniežnia nie ŭvioŭ Alaksandr Łukašenka.
Sankcyi — heta reakcyja na brutalnaść pavodzinaŭ uładaŭ, na sfalsifikavanyja vybary, na toje, jak Łukašenka abyšoŭsia z kandydatami i ich prychilnikami, na turmy», — ličyć jon.
Niaklajeŭ adznačyŭ, što sankcyi «pakul mikraskapičnyja, heta pakul navat nielha nazvać sankcyjami». «Apošnija sankcyi adnosna asob i firm, jakija niepasredna zarablajuć hrošy niepasredna Alaksandru Łukašenku, — heta tolki preludyja da značna bolšych niepryjemnaściaŭ, jakija mohuć čakać Biełaruś. Nie tolki Łukašenku. Kali jon havoryć, što heta budzie tyčycca ŭsich, jon maje racyju. Ale ŭ jaho sile zrabić tak, kab heta spyniłasia. Vypuści palitźniavolenych — havorać jamu i z Uschodu, i z Zachadu, i ŭsio, nijakich sankcyj. Jon heta nie čuje», — skazaŭ palityk.
Jon upeŭnieny, što
siońnia nichto nie pojdzie na handal palitźniavolenymi: «Umovy z boku Jeŭrasajuza adny i tyja ž, i jany nie mianiajucca: spačatku vyzvaleńnie palitźniavolenych, potym ab čymści budziem razmaŭlać».
«Źmianiłasia sama tendencyja: nichto nie słuchaje zapužvańni Łukašenki. Jak heta było ŭ 2006 hodzie, što kali vy mnie nie dapamožacie, to ja pajdu ŭ Rasiju. I tady dapamahli. Siońnia ž Jeŭrasajuz hatovy skazać: kali chočaš u Rasiju — idzi, pahladzim, što z taboj tam budzie. A tam jaho nie z dabrom čakajuć», — zajaviŭ Niaklajeŭ.