Prakuror prosić asudzić Andreja Pačobuta na try hady kałonii
Praces adnovicca 28 červienia.
wyborcza.pl
24 červienia adnaviŭsia praces žurnalista Andreja Pačobuta, jakoha vinavaciać u abrazie honaru i hodnaści Łukašenki, a taksama paklopie na jaho.Praces faktyčna skončany — zastalisia tolki sprečki bakoŭ. Advakaty Pačobuta paviedamili, što sud nie zadavoliŭ chadajnicta, ab vykliku na praces 10 śviedkaŭ z boku abarony.
Padčas svajho vystupu prakuror zapatrabavaŭ pakarać žurnalista tryma hadami źniavoleńnia.Sudździa Vital Lacko pryniaŭ rašeńnie zrabić pierapynak da 10 hadzin 28 červienia. Pavodle «Radyjo Svaboda», sprečki siońnia tak i nie adbylisia — vystupaŭ tolki prakuror.
Siońnia pierad pačatkam pasiedžańnia la budynku suda byŭ zatrymany
Praces ciahniecca ŭžo dziesiać dzion — jon pačaŭsia jašče 14 červienia. A za kratami žurnalist znachodzicca bolš za dva miesiacy.17 červienia Andreju Pačobutu było nanoŭ vystaŭlena abvinavačańnie. Artykuły nakont abrazy (368–1) i paklopu (367–1) adnosna prezidenta ŭ im zastalisia, tolki bolš jak u dva razy pavialičyŭsia tekst. Pa pieršym ź ich praduhledžana pakarańnie da dvuch hadoŭ źniavoleńnia, pa druhim — ad dvuch da čatyroch hadoŭ. Padstavy prakuratura znajšła ŭ artykułach Pačobuta ŭ «Hazecie vyborčaj», u jahonaj kałoncy na sajcie «Biełaruski partyzan», a taksama ŭ adnym z dopisaŭ u «Žyvym žurnale».
***
***
Kryminalnaja sprava ŭ dačynieńni da Andreja Pačobuta była zaviedziena 18 sakavika za artykuły ŭ polskaj «Gazeta Wyborcza», na sajcie «Biełorusskij partizan» i ŭ jahonym błohu. 6 krasavika žurnalist byŭ aryštavany.
A.Pačobut śviadoma kinuŭ vyklik KDB. 8 studzienia žurnalistu vypisali aficyjnaje papiaredžańnie pra niedapuščalnaść supraćpraŭnych dziejańniaŭ (udzieł u niesankcyjanavanaj akcyi 19 śniežnia) za podpisam načalnika Upraŭleńnia KDB pa Hrodzienskaj vobłaści Ivana Karža.
Pačobut śćviardžaje, što pry hetym supracoŭniki hrodzienskaha KDB pahražali jamu i niekalki razoŭ ŭdaryli jaho pa hałavie. Jon padaŭ skarhu na dziejańni kadebistaŭ u vajskovuju prakuraturu. Vynikam nastojlivaści žurnalista stała sieryja pravierak i miedyčnych ekśpiertyz.
Choć prakuratura nie pabačyła parušeńniaŭ u dziejańniach KDB, ale kamitetčykam pryjšłosia adkazvać na niepryjemnyja pytańni, a taksama «zaśviacić» svaje imiony ŭ presie.
Adnačasova z žurnalistykaj, Andrej Pačobut zajmajecca i hramadskaj dziejnaściu: jon adzin ź lidaraŭ Sajuza palakaŭ. Pa adukacyi ž Pačobut — juryst, a taksama zajmajecca vyvučeńniem polskaha antysavieckaha ruchu ŭ Zachodniaj Biełarusi.
«Alaksandr Ryhoravič, darahi ty moj paciarpieły, za svaje słovy i ŭčynki ja hatovy adkazvać, što zaviecca, pa ŭsioj strohaści. Jak havorycca, „my za canoj nie pastaim“.
Spadziajusia, što pryjdzie čas i pa ŭsioj strohaści pryjdziecca adkazać za toje, što adbyvajecca ŭ Biełarusi apošnija 16 hadoŭ, i byłomu prezidentu Respubliki Biełaruś Łukašenka A. R.»,— publicystyčna pisaŭ A.Pačobut.