Represavanyja raźličvajuć na dapamohu ludziej
+ numary rachunkaŭ i kantakty
U sacyjalnych sietkach i pravaabaroncy raspačali zbor dapamohi aštrafavanym i zatrymanym 22 červienia.
Pra heta BiełaPAN skazaŭ adzin z zatrymanych padčas razhonu ŭ centry Minska, jakomu 23 červienia sud Maskoŭskaha rajona nibyta za drobnaje chulihanstva prysudziŭ 25 bazavych vieličyniaŭ štrafu (875 tys.). Pavodle słoŭ 24-hadovaha mužčyny, jaki vyrašyŭ nie nazyvać siabie, finansavaja tema abmiarkoŭvałasia zatrymanymi, kali jany znachodzilisia ŭ milicyi.
Małady čałaviek pracuje ŭ budaŭnictvie. Jon paviedamiŭ, što byŭ siarod ludziej, jakich milicyja adciaśniała ad restarana "Makdonalds" na praśpiekcie Niezaležnaści ŭ bok płoščy Svabody. U hety čas na svajo pytańnie, čamu nikoha nie puskajuć u centr horada, jon atrymaŭ ad śpiecnazaŭca ŭdar u vobłaść piečani. Pavodle słoŭ surazmoŭcy, ludzi aburalisia: "Što my — barany, što nas honiać?" Zatrymali jaho, kali jon siadzieŭ na łaŭcy ŭ skviery na vulicy Lenina.
Spačatku zatrymanych pryvieźli ŭ Centr izalacyi pravaparušalnikaŭ HUUS Minharvykankama, dzie apisali majomaść, uziali adbitki palcaŭ, sfatahrafavali, źniali na videa, skłali pratakoł za drobnaje chulihanstva, a potym adpravili ŭ Maskoŭskaje RUUS. Tam jany čakali suda, paviedamlaje BiełaPAN.
***
Tym časam u Fejsbuku źjaviłasia infarmacyja pra arhanizavańnie dapamohi zatrymanym 22 červienia
Prapanujecca hrošy na apłatu štrafaŭ pieraličvać siudy:
B182136852761 - Bieł.rub
Z388796762652 - Dalary ZŠA
E460235656500 - Jeŭra
...R298116051354 - Ras. rubli
Padkreślivajecca, što hrošy adpravić možna ŭ lubym śpiecyjalizavanym terminale, i ŭ mnohich bankach.
Treba tolki viedać numar kašalka
Jak atrymać dapamohu?
arhanizatary akcyi prapanujuć pisać na hety mejł help.repres@gmail.com