Ministerstva abarony abnarodavała košt paradu na Dzień Niezaležnaści ŭ… kaŭbasnym vyražeńni

Načalnik upraŭleńnia infarmacyi — pres-sakratar hałoŭnaha ŭpraŭleńnia ideałahičnaj pracy Ministerstva abarony Biełarusi pałkoŭnik Uładzimir Makaraŭ adkazaŭ hramadskaj arhanizacyi «Ruch «Za Svabodu», jakaja zaklikała ŭłady admianić u situacyi ekanamičnaha i palityčnaha kryzisu ŭ krainie zapłanavany na 3 lipienia vajenny parad.

U svaim artykule, apublikavanym u «Biełorusskoj vojennoj hazietie», Uładzimir Makaraŭ piša: «My śpiecyjalna paličyli, jak možna było b vykarystać srodki, što vydzialajucca ŭ miežach vajennaha biudžetu na parad vojskaŭ, i atrymali jaŭna niesuciašalnyja dla apazicyjanieraŭ vyniki. Akazvajecca,

prapanavanaja imi ekanomija srodkaŭ dastatkovaja, kab vydać nie bolš čym pa 10 hramaŭ kaŭbasy kožnamu žycharu respubliki.

U hutarcy z karespandentam BiełaPAN Uładzimir Makaraŭ nie ŭdakładniŭ, jaki mienavita hatunak kaŭbasy ŭličvaŭsia pry padlikach, pry hetym adznačyŭ, što havorka idzie pra samuju tannuju kaŭbasu. Samaj darahoj kaŭbasy, pavodle jaho słoŭ, chapiła b nie bolš čym pa adnym hramie.

Takim čynam, kali dla spraščeńnia padlikaŭ kolkaść nasielnictva Biełarusi prymać u 10 miljonaŭ čałaviek, to košt paradu na Dzień Niezaležnaści akazvajecca supastaŭnym sa 100 tonami samaj tannaj kaŭbasy ci 10 tonami samaj darohaj.

Kamientary da artykuła