Kryzis: «Priessboł» z 1 žniŭnia pierastanie pradavacca ŭ kijoskach Minskaj vobłaści
Pra heta havorycca ŭ redakcyjnym zvarocie.
Papularnaje spartyŭnaje vydańnie «Priessboł» z 1 žniŭnia 2011 hoda pierastanie pastupać u roźničny prodaž (kijoski «Sajuzdruka») na terytoryi Minskaj vobłaści (za vyklučeńniem Minska),
pra heta havorycca ŭ redakcyjnym zvarocie vydańnia da čytačoŭ.
Pryčyna, pa słovach vydańnia, u tym, što RUP «Minskabłsajuzdruk», jakoje zajmajecca raspaŭsiudam vydańnia, sistematyčna nie vykonvaje svaje abaviazki. «Priessboł» zaznačaje, što «Minskabłsajuzdruk» nie raspłaciŭsia za nakład, realizavany jašče ŭ minułym žniŭni,
a siońnia zavinavačanaść «Minskabłsajuzdruka» pierad hazietaj składaje 150 młn rubloŭ.
Aproč taho, «Minskabłsajuzdruk» prapanavaŭ z 1 žniŭnia 2011 hoda razarvać damovu pastaŭki «da stabilizacyi dalejšaj situacyi na RUP „Minskabłsajuzdruk“»
U zvarocie zaznačajecca, što redakcyi «Priessboła» nie zastajecca ničoha, jak prapanavać stałym čytačam Minščyny aformić padpisku na vydańnie. Taksama źviartajecca ŭvaha na toje, što
pradpryjemstvy Sajuzdruka ŭ inšych abłaściach i horadzie Minsku (Biełsajuzdruk) spraŭna vykonvajuć svaje abaviazki, i hazieta budzie pastupać u kijoski hetych abłaściej i ŭ stalicy.
«Priessboł» taksama prapanuje elektronnuju padpisku na numary vydańnia, što tańniej, a numar prychodzić čytačam nie ranicaj, a napiaredadni, paśla padpisańnia haziety ŭ druk (u
*** «Priessboł» — samaje papularnaje spartyŭnaje vydańnie ŭ Biełarusi. Heta — niedziaržaŭnaja hazieta. Vydajecca ad 16 studzienia 1991 h. Zaraz vychodzić 4 razy na tydzień: aŭtorak — piatnica. Nakład aŭtorkaŭskaha numaru składaje 20 tys asobnikaŭ, piatničnaha — 15 401.
Elektronnych padpisčykaŭ u haziety na siońnia 807. «Priessboł» zaznačaje, što kali kolkaść elektronnych padpisčykaŭ dasiahnie 5 tys. čałaviek, to pieršy numar novaha tydnia budzie prychodzić padpisčykam nie viečaram paniadziełka, a viečaram niadzieli.
Košt elektronnaj padpiski na paŭhoda składaje ciapier 90 tys. rubloŭ, što amal udvaja tańniej, čym padpiska cieraz poštu. Tak, košt padpiski na žnivień cieraz poštu — 29 630 rubloŭ.