FPB patrabuje ad urada adnavić dachod nasielnictva da ŭzroŭniu druhoj pałovy 2010 hoda
Takija słovy prahučali ŭ dakładzie staršyni fiederacyi Leanida Kozika, jaki byŭ pradstaŭleny 30 červienia na pašyranym pasiadžeńni prezidyuma FPB u Minsku.
U pasiadžeńni ŭziali ŭdzieł kala 230 čałaviek, u liku jakich byli prafsajuznyja aktyvisty i pradstaŭniki ŭrada. Abmiarkoŭvalisia pytańni
Pavodle słoŭ Kozika, u mai pryrost VUP dasiahnuŭ samaha vysokaha za dziesiać hadoŭ pakazčyka — 12,5%. Asnoŭny ŭkład zrabiła «śfiera vytvorčaści, pramysłovaść». Pry hetym ceny na asobnyja tavary ŭzraśli ŭ 1,5–2 razu. Na fonie takoj ekanamičnaj situacyi «ŭrad pavinien nieadkładna vypracavać płan pa pavieličeńni dachodaŭ nasielnictva i daviadzieńnia ich da ŭzroŭniu druhoha paŭhodździa 2010 hoda, adpaviedna rostu cen», skazaŭ Kozik, dadaŭšy, što ŭsie padstavy dla takoha kroku jość.
Staršynia Biełaruskaha prafiesijnaha sajuza rabotnikaŭ adukacyi i navuki Alaksandr Bojka ŭ svaim vystupleńni adznačyŭ, što nieabchodna ažyćciavić šerah mier pa palapšeńni ŭmoŭ žyćcia moładzi, jakaja vučycca. U liku prablem studentaŭ jon nazvaŭ vysokija ceny na arendu žylla, a taksama sistematyčnyja raschody na kancylarskija pasłuhi i samaje nieabchodnaje — ježu.
Pavodle słoŭ Bojki, tolki 40–70% studentaŭ zabiaśpiečany internatami, u toj čas jak «dva karpusy studenckaj vioski prablemu nie vyrašać». Bojka vykazaŭ mierkavańnie, što ŭrad pavinien vyzvalić ludziej, jakija zdajuć žyllo studentam, ad vypłaty padatku na prybytak, i ceny za arendu źmienšacca. Nieabchodnaj mieraj jon nazvaŭ viartańnie lhot na prajezd u transparcie dla studentaŭ.
Dakłady prafsajuznych aktyvistaŭ lehli ŭ asnovu pryniataj na pasiadžeńni pastanovy FPB. Adznačałasia, što hety dakumient budzie pierapisany ŭ bolš žorstkaj formie i stanie asnovaj zvarotu, jaki fiederacyja pieradaść uradu.