12 lipienia u Maskvie projdzie sustreča premjer-ministraŭ krain mytnaj trojki
Prem'jer-ministry Biełarusi, Rasii i Kazachstana damovilisia pravieści 12 lipienia ŭ Maskvie sustreču ŭ trochbakovym farmacie, a taksama inicyjavać praviadzieńnie ŭ rasijskaj stalicy biźnies-forumu z udziełam dziełavych kołaŭ troch krain.
Ab hetym paviedamiŭ siońnia žurnalistam pres-sakratar prem'jer-ministra RF Dźmitryj Piaskoŭ, pieradaje RIA Novosti.
Pavodle jaho słoŭ, znachodziačysia ŭ rabočaj pajezdcy va Ułan-Ude, Uładzimir Pucin pravioŭ telefonnyja pieramovy sa svaimi kalehami Michaiłam Miaśnikovičam i Karymam Masimavym. Padčas pieramoŭ, pavodle słoŭ Piaskova, była dadzienaja «vysokaja acenka» ciapierašniamu etapu farmiravańnia adzinaj ekanamičnaj prastory pamiž tryma krainami Mytnaha sajuza.
Pres-sakratar nahadaŭ, što 1 lipienia źniatyja ŭsie mytnyja punkty na miažy troch krain. Takim čynam Rasija, Kazachstan i Biełaruś vykanali ŭziatyja na siabie abaviazacielstvy pa farmiravańni ahulnaj mytnaj prastory.
Pucin ličyć źniaćcie mytnych punktaŭ na miažy Rasii, Biełarusi i Kazachstana «samaj vialikaj» padziejaj na terytoryi byłoha SSSR u pieryjad paśla jaho krušeńnia, padkreśliŭ jaho pres-sakratar.
Čytajcie taksama:
Kamientary da artykuła