Vychodzim! Važnaja pieramoha hramadstva: Mininfa adklikała zvarot ab zakryćci «Našaj Nivy»
abnaŭlajecca, + fota
Dziakujem usim tym 140 čytačam, jakija źviarnulisia ŭ sud i ministerstva z pratestami suprać napadak na hazietu.
Dziakujem usim tym 140 čytačam, jakija źviarnulisia ŭ sud i ministerstva z pratestami suprać napadak na hazietu.
Vychodzim! Redakcyjnaja kamanda viartajecca z suda. Fota Siarhieja Hudzilina.
Na ŭvachodzie ŭ zału suda. Fota Siarhieja Hudzilina.
Hałoŭny redaktar vydańnia Andrej Skurko. Fota Siarhieja Hudzilina.
Paśla vyniasieńnia rašeńnia. Fota Siarhieja Hudzilina.
Paśla vyniasieńnia rašeńnia. Fota Siarhieja Hudzilina.
Paśla vyniasieńnia rašeńnia, photo.bymedia.net
Viartalisia my na aŭtobusie №100 :)) Fota Siarhieja Hudzilina.
Pazoŭ ab spynieńni vypusku «Našaj Nivy» byŭ padadzieny Mininfarmam na padstavie artykuła 51 zakona «Ab srodkach masavaj infarmacyi» — pa pryčynie vyniasieńnia redakcyi na praciahu hoda bolš jak dvuch piśmovych papiaredžańniaŭ.
Dva papiaredžańni «Naša Niva» atrymała za publikacyi, źviazanyja z rasijskim filmam «Chrosny baćka» (pra biełaruskija ŭłady), a treciaje, vyniesienaje 14 krasavika, — u suviazi z aśviatleńniem terakta ŭ minskim mietro.
11 maja VHS prypyniŭ vytvorčaść pa pazovie Mininfarma ab zakryćci haziety ŭ suviazi z tym, što vydańnie abskardziła papiaredžańnie ministerstva. Pasiedžańnie kasacyjnaj kalehii VHS pa razhladzie skarhi «Našaj Nivy» pavinna było adbycca 26 lipienia.
9 lipienia stała viadoma pra toje, što Mininfarm vynies «Našaj Nivie» jašče adno papiaredžańnie. Pryčynaj dla jaho pasłužyła adsutnaść padpisnoha indeksa ŭ numary za 1 červienia 2011 hoda.
Na sudovych słuchańniach, što adnavilisia siońnia, pradstaŭnik istca niečakana adklikaŭ zajavu ab spynieńni vypusku haziety, ničym heta nie matyvujučy. Sud pad staršynstvam Viktara Kuryły chadajnictva nie biez radaści zadavoliŭ.
Rašeńnie Mininfarma stała niečakanaściu dla supracoŭnikaŭ «Našaj Nivy».
«Heta toj redki vypadak, kali pieramoh ćviarozy sens», — zajaviŭ, kamientujučy situacyju kaleham, hałoŭny redaktar vydańnia Andrej Skurko.
«Dumaju, siurpryz, vyklikany siońniašnim pasiedžańniem, nie adbyŭsia, kali b ułady nie adčuli na sabie cisk hramadskaści, kali b nie było šmatlikich listoŭ čytačoŭ u Ministerstva infarmacyi z patrabavańniem nie zakryvać hazietu. Napeŭna, ułady acanili situacyju i vyrašyli nas nie zakryvać», — vykazaŭ mierkavańnie Skurko.
Na dumku hałoŭnaha redaktara, hazieta, chutčej za ŭsio, budzie aštrafavanaja. «Prosta tak, biez pakarańnia, nas nie pakinuć», — miarkuje hałoŭny redaktar.
Kiraŭnik Biełaruskaj asacyjacyi žurnalistaŭ Žanna Litvina ličyć, što na rašeńnie Mininfarma moh paŭpłyvać ekanamičny kryzis u krainie.«Vierahodna, vyrašyli, što čarhovy brutalny praces ciapier nie patrebien. Mabyć, na heta paŭpłyvała pryncypovaja pazicyja Jeŭrasajuza ŭ adnosinach da biełaruskich uład, u pryvatnaści, toje, što ŚMI praciahvajuć zastavacca dla ES pryjarytetam», — skazała kiraŭnik BAŽ.
Lidar Partyi BNF Alaksiej Janukievič ličyć, što rašeńnie suda pradyktavanaje palityčnymi mierkavańniami ŭład. «Ułady vyrašyli nie paharšać situacyju, razumiejučy, što ŭ niedalokaj budučyni pryjdziecca šukać šlachi adnaŭleńnia dyjałohu z Zachadam», — skazaŭ palityk.
13 lipienia ŭ Vyšejšym haspadarčym sudzie budzie razhladacca anałahičny isk Mininfarma da jašče adnoj niedziaržaŭnaj haziety — «Narodnaja vola».* * *
15.15
«Naša Niva» časova ŭratavanaja!
15.07.
Kali chadajnictva Ministerstva infarmacyi ab spynieńni pracesu budzie pryniata, niebiaśpieka zakryćcia «Našaj Nivy» časova źniknie. Razam z tym, u ministerstva zastaniecca mahčymaść źviarnucca z čarhovym pazovam u luby inšy čas.
15.05
Sudździa vychodzić dla pryniaćcia rašeńnia.
15.00
Ministerstva infarmacyi admaŭlajecca ad pazovu pra zakryćcio haziety.
14.50
Pasiedžańnie zatrymałasia, bo šukali vialikuju zału. Pryjšło niekalki dziasiatkaŭ čytačoŭ. U tym liku dva
* * *
Mininfarmacyi patłumačyła, čamu adklikała pazoŭ suprać «Našaj Nivy».
Na sajcie ministerstva źjaviłasia aficyjnaje paviedamleńnie. Zhodna ź im, pazoŭ ab zakryćci haziety «Naša Niva» byŭ adklikany z ulikam zvarotu redakcyi vydańnia i sychodziačy z pryncypa svabody masavaj infarmacyi.
Ministerstva infarmacyi zaklikaje ŭsie srodki masavaj infarmacyi prytrymlivacca zakanadaŭstva, a taksama kiravacca normami prafiesijnaj etyki i ahulnapryniatymi normami marali.
«Naša Niva» źviartałasia ź piśmovym zaklikam da Ministerstva adklikać pazoŭ u červienia.
* * *
12 lipienia, a 14.30 u Vyšejšym haspadarčym sudzie (Vaładarskaha, 8) adnovicca razhlad spravy ab zakryćci haziety «Naša Niva». Kali VHS voźmie bok Ministerstva infarmacyi, najstarejšaja biełaruskaja hazieta stracić mahčymaść lehalna vydavacca ŭ Biełarusi na papiery. Takoje było tolki pry tatalitarnych režymach. Łukašenkaŭcy rychtujucca na nadumanych i palityčna matyvavanych padstavach likvidavać vydańnie, ź jakoha pačynałasia biełaruskaja dziaržaŭnaść.
Praces zakryćcia byŭ inicyjavany ministerstvam Pralaskoŭskaha paśla taho, jak 14 krasavika «NN» atrymała treciaje ciaham hodu papiaredžańnie.
Redakcyja skarystałasia zakonnym pravam asprečyć vyniesienaje papiaredžańnie. Na čas razhladu abskardžańnia ŭ pieršaj instancyi praces ab likvidacyi haziety byŭ prypynieny. 30 maja sudździa Alena Majorava pakinuła papiaredžańnie ŭ sile. Redakcyja abskardziła prysud u kasacyjnaj kalehii Vyšejšaha haspadarčaha suda, i kasacyja była pryniataja. Razhlad jaje pryznačany na 26 lipienia.
Zdavałasia b, łahičniej było dačakacca kančatkovaha rašeńnia pa kasacyi, a paśla adnaŭlać spravu ab zakryćci haziety. Ale reč u tym, što 14 lipienia minaje try miesiacy z dnia vyniasieńnia papiaredžańnia. Pavodle zakanadaŭstva, paśla hetaha zakryć hazietu ŭžo nielha.
Adnačasova z pracesam «NN» idzie sud ab zakryćci «Narodnaj Voli». U 2006–2008 hadach hetyja haziety byli pazbaŭlenyja mahčymaści raspaŭsiudu praz «Biełpoštu» i «Biełsajuzdruk». U kancy
Mienš čym za try hady paśla viartańnia ŭ raspaŭsiud «Narodnaja Vola» pavialičyła tyraž ŭ 2,5 razu, a aŭdytoryju sajta — u jašče bolšaj praporcyi. Za toj ža čas nakład «Našaj Nivy» vyras u 3,4 razu — ciapier jon rekordny za ŭvieś čas isnavańnia haziety. Jak i aŭdytoryja sajta «Našaj Nivy» — u mai 2011 jana skłała 113 tysiač karystalnikaŭ.
Hety
rost papularnaści — sapraŭdnaja pryčyna dla raspravy ź niezaležnymi ŚMI. Kali hrymnuŭ ekanamičny kryzis, ludzi pačali šukać u ich praŭdzivaj infarmacyi. «NN» u Minsku nie dakupicca, viartańnie z kijoskaŭ «Biełsajuzdruku» składaje niekalki pracentaŭ. U asobnyja dni sajt NN naviedvajuć sa sta tysiač kampjutaraŭ. Ułada źbirajecca źniščyć «NN» na ŭzdymie jaje papularnaści.
Sproba źniščyć dva centralnyja niezaležnyja vydańni vyklikała rezkuju reakcyju ŭ krainie i za jaje miežami.
Sotni čytačoŭ źviarnulisia ŭ Ministerstva infarmacyi z patrabavańniem spynić praces zakryćcia haziet, vykazali słovy padtrymki redakcyjam. Rada ministraŭ ES adznačyła pahrozu zakryćcia «Našaj Nivy» i «Narodnaj voli» siarod troch asnoŭnych prablemaŭ va ŭzajemadačynieńniach Jeŭrapiejskaha Sajuza ź Biełaruśsiu.
U susiednich krainach nie było anałahičnych vypadkaŭ likvidacyi centralnych ŚMI. Pradstaŭnica ABSIE pa pytańniach svabody ŚMI Dunia Mijatavič rezka asudziła praktyku vyniasieńnia vydańniam «papiaredžańniaŭ» i likvidacyi ich na hetaj asnovie. Miž tym u Biełarusi heta nie pieršy vypadak «zabojstva» niezaležnych miedyjaŭ. U minułyja hady šlacham zakryćcia, prypynieńnia vychadu, zabrańnia chvalaŭ abo faktyčnaj zabarony druku i raspaŭsiudu łukašenkaŭcy spynili «Svabodu», «Naviny», «Pahoniu», «Biełorusskuju diełovuju hazietu», «Zhodu», «Kuŕjer iz Borisova», «Novuju hazietu Smorhoni», Radyjo 101.2, «Biržu informacii» dy mnostva inšych minskich i rehijanalnych ŚMI. Paśla vybaraŭ 2010 hoda było likvidavanaje «Aŭtaradyjo».
Łukašenkaŭcy znachodzili ŭ kožnym vypadku svaju «vinu». Dziasiatki niezaležnych žurnalistaŭ u Biełarusi prajšli praz turmy, niekalki čałaviek źnikła ci zahinuła pry niavyśvietlenych abstavinach.
Źniščeńnie «Našaj Nivy» nie pryniasie karyści navat jaho inicyjataram. Jano stanie ŭdaram pa imidžy biełaruskaj ułady jak u krainie, tak i na mižnarodnaj arenie. Abmiežavańnie svabody słova i svabodnaha atrymańnia infarmacyi — parušeńnie adnaho z bazavych pravoŭ čałavieka.
Sud nad hazietaj «Naša Niva», jakaja jość adnym ź simvałaŭ nacyi, pačniecca 12 lipienia, a 14.30 u Vyšejšym haspadarčym sudzie (Vaładarskaha, 8). Praces budzie adkryty.