Łatuška skazaŭ «dziakuj» Ukrainie
Pytańni dvuchbakovaha supracoŭnictva ŭ śfiery kultury byli abmierkavany padčas sustrečy ministraŭ kultury Biełarusi i Ukrainy Paŭła Łatuški i Michaiła Kułyniaki, jakaja adbyłasia 11 lipienia ŭ Viciebsku.
U pryvatnaści, razhledžany pytańni ab supracoŭnictvie ŭ śfiery adukacyi, muziejnaj spravy, biblijatek, ab abmiennych hastrolach Nacyjanalnaha akademičnaha teatra imia Janki Kupały i Nacyjanalnaha teatra imia Ivana Franka.
Taksama biełaruskim bokam była adznačana zacikaŭlenaść da dalejšaha supracoŭnictva ź viadučymi VNU śfiery kultury Ukrainy ŭ arhanizacyi zamiežnych stažyrovak dla studentaŭ, aśpirantaŭ, daktarantaŭ, vykładčykaŭ VNU śfiery kultury i mastactva.
Na sustrečy byli abmierkavany pytańni ab mahčymaści arhanizacyi i praviadzieńnia ŭ Biełarusi prezientacyi «Ab ilhotnych umovach u śfiery kinavytvorčaści na terytoryi Respubliki Biełaruś» z zaprašeńniem na jaje kiniematahrafistaŭ i śpiecyjalistaŭ Ukrainy i inšych krain.
Padčas sustrečy ministram kultury Biełarusi była vykazana ŭdziačnaść Ministerstvu kultury Ukrainy za sadziejničańnie va ŭstalavańni pomnika vybitnamu biełaruskamu piśmieńniku i paetu Uładzimiru Karatkieviču ŭ Kijevie.