Nasiakomyja masava žaruć les u Homielskaj vobłaści
Chvajovy pilščyk moža źniščyć u Homielskaj vobłaści bolš za 2 tysiačy hiektaraŭ lesu. Kokany nasiakomaha ŭnutry dreŭ vyjaŭleny na terytoryi Daŭhaleskaha, Šarpiłaŭskaha i Staradziatłavickaha laśnictvaŭ,paviedamiŭ BiełaPAN
Dla manitorynhu abstanoŭki ŭ Homielski lashas prybyŭ pradstaŭnik Dziaržaŭnaj ustanovy «Biellesabarona». Padčas manitorynhu pravodzilisia kantrolnyja zrezy dreŭ dla ŭstanaŭleńnia kolkaści kokanaŭ u drevie i ŭstanaŭleńnia miežaŭ zaražanaj terytoryi. Ustanoŭlena, što ŭsiaho zaražana 2 tysiačy 32 hiektary lesu.
«Dla praviadzieńnia apracoŭki na respublikanskim uzroŭni nieabchodna raspracavać płan, zakupić rečyvy dla apracoŭki, vyznačyć techniku, miechanizmy apracoŭki. Hetymi pytańniami buduć zajmacca rabotniki „Biellesabarony“. Ciapier pahrozy lasnomu fondu niama, ale kali nie pravieści apracoŭku lasoŭ, to ŭsie drevy na hetych terytoryjach mohuć zahinuć», — adznačyŭ Habryloŭ.
Za hadzinu adna ličynka sasnovaha pilščyka źjadaje 30–40 ihlicy. Paškodžańni ihlicy pryvodzić da vysychańnia vierchavin, asłableńnia dreŭ i zasialeńnia ich stvałavymi škodnikami. Dla raźvićcia škodnika asabliva spryjalnaje ciopłaje suchoje nadvorje. Masavyja razmnažeńni pilščyka čaściej nazirajucca na maładych pasadkach, jakija rastuć na ŭzvyšanych miescach.