Źmicier Daškievič i Nasta Pałažanka voźmuć šlub
Viasielle projdzie vosieńniu u kałonii ŭ Horkach, dzie lidar Maładoha Frontu adbyvaje dvuchhadovaje turemnaje pakarańnie.
Viasielle projdzie vosieńniu u kałonii ŭ Horkach, dzie lidar Maładoha Frontu adbyvaje dvuchhadovaje turemnaje pakarańnie– pra heta ŭ liście paviedamiŭ sam Źmicier Daškievič.
Maładziony vyrašyli ŭzakonić svaje adnosiny nie čakajučy vyzvaleńnia i ciapier afarmlajuć usie nieabchodnyja dakumienty.
- Śviedkaŭ i viasielnaha fatohrafa ŭ kałoniju chutčej za ŭsio nie puściać, adnak sami maładyja paśla zaklučeńnia šlubu spadziajucca atrymać ad administracyi dazvoł na pazačarhovaje spatkańnie, - raspaviała Nastaśsia Pałažanka.
Samaja ž hałoŭnaja prablema na siońniašni dzień, pa słovach maładych, toje, što kanfiskavany pašpart Daškieviča praciahvaje znachodzicca ŭ KDB. Hałoŭny dakumient maładafrontaŭskaha lidara zabrali padčas adnaho ź zimovych pieratrusaŭ, adnak i hetuju pieraškodu, spadziajecca Nasta, udasca pieraadoleć.