U Minsku pastavili pomnik šopaholikam
Bronzavaja kampazicyja skulptara Uładzimira Žbanova źjaviłasia la CUMa ŭviečary 11 lipienia.
Novaja bronzavaja skulpturnaja kampazicyja aŭtarstva niastomnaha Uładzimira Žbanava źjaviłasia ŭ Minsku.
Hetym razam jana ŭviekaviečvaje adnu z prajavaŭ, ci, kali chočacie, zahanaŭ, sučasnaha hramadstva — šopahalizm. Šopahalizm, ci pa-navukovamu anijamanija, aznačaje prahu nabyvańnia biez razvahi i praktyčnaj patreby. Skulptar Žbanaŭ, kab apisać źjavu z dapamohaj bronzy, vykarystaŭ vobraz siamji: dzieci — chłopčyk i dziaŭčynka —uhladajucca ŭ vitrynu handlovaha kijoska, ich baćki stajać pobač, baćka, pieramožany nieabchodnaściu niepaźbiežnych vydatkaŭ, ciahniecca ŭ kišeniu pa hrošy.
Skulptury Uładzimira Žbanava abžyli vulicy stalicy. Dziaŭčynka ź dziravym parasonam u Michajłaŭskim skviery, mužčyna z cyharetaj (hety elemient źmianiajecca dziakujučy kłopatu armii prychilnikaŭ skulptury), fatohraf, jaki zdymaje damu z sabačkam i niekatoryja inšyja.