Vyčvareniec zastaŭsia biespakaranym, pamiryŭsia z paciarpiełaj

Niejmavierny vypadak zdaryŭsia na stancyi «Frunzienskaja».

Niejmavierny vypadak zdaryŭsia na stancyi «Frunzienskaja».

U Minsku 27-hadovamu vyčvarencu ŭdałosia paźbiehnuć kryminalnaj adkaznaści dziakujučy prymireńniu z paciarpiełaj i kampiensacyi joj maralnaj škody. Jak raskazali ŭ prakuratury, incydent adbyŭsia ranicaj 24 lutaha ŭ pierapoŭnienym elektraciahniku minskaha mietro na padjeździe da stancyi «Frunzienskaja».

Pavodle pryznańnia maładoha čałavieka, u huščy ludziej, apynuŭšysia prycisnutym da dziaŭčyny, što stajała pobač, jon uzbudziŭsia, dastaŭ čeles i dakranuŭsia im da ruki vypadkovaj spadarožnicy. Taja padniała kryk, i na stancyi vyčvareniec pakinuŭ vahon.

Adździełam daznańnia Maskoŭskaha RUUS maładomu čałavieku — jon žanaty i vychoŭvaje syna — było pradjaŭlena abvinavačvańnie ŭ chulihanstvie (č. 1 art. 339 KK). Svaimi dziejańniami jon pryniziŭ čałaviečuju hodnaść paciarpiełaj, havaryłasia ŭ abvinavaŭčym zaklučeńni. Materyjały spravy byli pieradadzienyja ŭ prakuraturu dla nakiravańnia ŭ sud. Adnak zatym spravu spynili na padstavie zajavy paciarpiełaj, ź jakoj minčuk ź nienarmalnymi seksualnymi fantazijami pamiryŭsia i kampiensavaŭ joj maralnuju škodu. Pra pamier adpłatnaha ŭ prakuratury maŭčać.

Pry hetym tam adznačyli, što rašeńnie ab spynieńni spravy było pryniata na padstavie Kryminalna-pracesualnaha kodeksa i ŭ śviatle realizacyi pryniataj u 2010 hodzie Kancepcyi ŭdaskanaleńnia sistemy mier kryminalnaj adkaznaści i paradku ich vykanańnia.

Kamientary da artykuła