Vilejka: vyniasieńnie prysuda znoŭ adkłali
12 lipienia praciahvaŭsia razhlad administracyjnaj spravy nad udzielnikam maŭklivaj akcyi Dźmitryjem Kapciuhom.
12 lipienia praciahvaŭsia razhlad administracyjnaj spravy nad udzielnikam maŭklivaj akcyi Dźmitryjem Kapciuhom.
Pieršaje sudovaje pasiadžeńnie adbyłosia 7 lipienia. Ale Dźmitryj Kapciuh padaŭ chadajnictva ab zaprašeńni dadatkovych śviedkaŭ. Sudździa chadajnictva zadavoliła.
Dźmitryja zatrymali 6 lipienia na płoščy Lenina ŭ Vilejcy. Pa słovach śviedki Alaksieja Siudaka, zatrymlivali šaściora minskich śpiecnazaŭcaŭ u cyvilnym. Na Kapciuha skłali pratakoł, nibyta jon łajaŭsia na ludziej. I, maŭlaŭ, zatrymali jaho dvoje vilejskich milicyjantaŭ. Pa słovach Alaksieja, tych milicyjantaŭ uvohule nie było pobač.
Zhodna z pratakołam, Dźmitryja zatrymali ŭ 19.15, ale ŭžo ŭ 19.08 jon znachodziŭsia ŭ Vilejskim RAUS. Kapciuh padaŭ chadajnictva ab prahladzie videa z kamier nazirańnia na budynku milicyi. Sudzia Arcimovič jaho zadavoliła. Razam z tym sudździa nie zadavoliła chadajnictva ab prahladzie videa, jakoje zdymali milicyjanty padčas maŭklivaj akcyi.
Nastupnaje sudovaje pasiadžeńnie adbudziecca 14 lipienia ŭ 9.30.