U Minsku abviaścili vajnu niezakonnym šłahbaŭmam
U Minsku abviaścili vajnu samavolna ŭstalavanym šłahbaŭmam i inšym zamykalnym pryładam.Pra heta paviedamiŭ učora na apieratyŭnaj naradzie ŭ meryi načalnik ziemleŭparadkavalnaj słužby Minharvykankama Andrej Damaracki, pieradaje karespandent BiełTA.
Takija abjekty padlahajuć abo likvidacyi, albo afarmleńniu ŭ adpaviednaści z zakanadaŭstvam. Za niereahavańnie na pradpisańni subjekty haspadarańnia pryciahvajucca da administracyjnaj adkaznaści.
Usiaho za apošni tydzień vyjaŭlena 39 faktaŭ samavolnaha ŭstalavańnia zamykalnych kanstrukcyj (łancuhoŭ, dratoŭ sa ściažkami, šłahbaumaŭ), 11 zbudavańniaŭ demantavanyja, 15 najbližejšym časam buduć uzakonienyja, na 10 ułaśniki aformili dakumienty. Ale sustrakajucca vypadki, kali paśla demantažu zamykalnych pryład jany znoŭ viartajucca na zvykłyja miescy.
«Hetaje pytańnie znachodzicca na kantroli, u dačynieńni da arhanizacyj, jakija ihnarujuć ukazańni i patrabavańni, buduć užyvacca samyja strohija miery»,— skazaŭ Andrej Damaracki.
Taksama jon źviarnuŭ uvahu na nienaležny vyhlad niekatorych uzakonienych zamykalnych pryładaŭ (usiaho ich u Minsku naličvajecca kala 60): čaściakom heta iržavyja łancuhi, draty sa ściažkami, jakija psujuć estetyčny vyhlad horada. U miesiačny termin treba budzie pravieści invientaryzacyju takich abjektaŭ i pryvieści ich u paradak.