Href: pry zbałansavanaj palitycy situacyju ŭ Biełarusi da kanca 2011 hoda možna istotna palepšyć
Pry najaŭnaści zbałansavanaj palityki situacyju ŭ Biełarusi da kanca 2011 hoda možna istotna palepšyć. Ab hetym zajaviŭ staršynia praŭleńnia AAT «Aščadny bank Rasii» Hierman Href na sustrečy z Alaksandram Łukašenkam.
«My bačym, što pry najaŭnaści zbałansavanaj palityki da kanca hoda situacyju ŭ Biełarusi možna nie tolki stabilizavać, ale i istotna palepšyć», — skazaŭ Hierman Href.
Alaksandr Łukašenka padziakavaŭ Hiermanu Hrefu za tuju padtrymku, jakuju Śbierbank Rasii i jaho daččyny bank u Biełarusi AAT «BPB-Bank» akazvaje realnamu siektaru ekanomiki. «I paraicca treba, i jość što abmierkavać. Ja chaču vam ščyra padziakavać, što na praciahu hetaha hoda i ŭ kancy minułaha, kali ŭ nas uźnikli peŭnyja prablemy, jak vy i abiacali, BPB-Bank, vaša padraździaleńnie ŭ Biełarusi, vielmi prystojna siabie, jak mianie infarmujuć, siońnia pavodzić. Vy akazvajecie padtrymku našamu realnamu siektaru ekanomiki z nabyćciom tavaraŭ pa impartu, viadučym našym pradpryjemstvam. Heta darahoha kaštuje, — adznačyŭ kiraŭnik biełaruskaj dziaržavy. — Ja vielmi caniu i vielmi rady, što my ŭ svoj čas los hetaha banka (BPB-Banka) źviazali sa Śbierbankam Rasii i majem siońnia adpaviednuju padtrymku».
Alaksandr Łukašenka prapanavaŭ u chodzie sustrečy abmierkavać isnujučyja prablemy. «Dy i vy, ja viedaju, maŭčać nie budziecie, padkažacie toje, što vy bačycie zboku, što nam treba zrabić u hetaj situacyi. Dla nas heta vielmi važna», — dadaŭ joje.
U svaju čarhu Hierman Href paviedamiŭ, što z pačatku hoda Śbierbank Rasii nakiravaŭ dadatkovuju likvidnaść na padtrymku BPB-Banka ŭ pamiery kala $480 młn. «Heta dapamahło padtrymać ustojlivaść našaha banka. Liču, što my taksama ŭ hety pieryjad času dapamahli šmatlikim pradpryjemstvam Biełarusi ŭ enierhietycy, pramysłovaści, sielskaj haspadarcy», — adznačyŭ kiraŭnik Aščadnaha banka Rasii. «Ja padrychtavaŭsia pa tym, čym by my mahli być vam karysnyja ŭ hety pieryjad času. Spadziajusia, što naša sustreča projdzie efiektyŭna», — dadaŭ Hierman Href.
Čytajcie taksama:
Kamientary da artykuła