Košt płatnaha navučańnia pavysicca ŭ miežach 20%
Košt płatnaha navučańnia ŭ VNU Biełarusi ŭ novym navučalnym hodzie budzie pavyšany ŭ miežach 20 pracentaŭ. Ab hetym paviedamiŭ siońnia napres-kanfierencyi pieršy namieśnik ministra adukacyi Biełarusi Alaksandr Žuk.
Pieršy namieśnik ministra adznačyŭ, što pavyšeńnie koštu navučańnia nieabchodna dla zabieśpiačeńnia narmalnaha funkcyjanavańnia ŭstanoŭ. Pavodle jaho słoŭ, pavyšeńnie koštu da 20% — heta minimum, jaki daść mahčymaść narmalna funkcyjanavać VNU krainy.
Alaksandr Žuk taksama adznačyŭ, što ŭ roznych VNU pavyšeńnie cany moža adroźnivacca. «Kožnaja VNU pavialičvaje košt u zaležnaści ad svaich realnych zatrat», — rastłumačyŭ jon. U pryvatnaści, u BDU pryniata ŭžo rašeńnie, što z novaha navučalnaha hoda płata za navučańnie pavysicca tolki na 11%.