Biełaruś lidziruje pa roście cen siarod krain SND
Biełaruś stała lidaram pa roście indeksa spažyvieckich cen siarod šerahu krain SND (Rasija, Kazachstan, Ukraina).
Pavodle źviestak Biełstata, u červieni 2011 hoda ŭ paraŭnańni sa śniežniem 2010 hoda ŭ Biełarusi ceny ŭzraśli na 36,2%, va Ukrainie — na 5,9%, u Kazachstanie — na 5,1%, Rasii — na 5%. U červieni ŭ paraŭnańni z majem u Biełarusi rost cen skłaŭ 8,6%, va Ukrainie — 0,4%, Kazachstanie — 0,3%, Rasii — 0,2%.
Ceny na pradukty charčavańnia ŭ Biełarusi ŭ červieni ŭ paraŭnańni z majem uzraśli na 8,2%, va Ukrainie — na 0,3%, Kazachstanie — na 0,2%, u Rasii źnizilisia na 0,4%. Bolš za ŭsio ceny vyraśli ŭ Biełarusi na tytuniovyja vyraby — na 57,1%; va Ukrainie — na 0,6%, Rasii — na 1,1%, u Kazachstanie zastalisia na ŭzroŭni minułaha miesiaca.
U Biełarusi taksama značna padaražeła bulba — na 18%. Va Ukrainie jana padaražeła jašče bolš — na 25,7%, u Kazachstanie — na 3,9%, u Rasii — na 0,2%.
Makaronnyja vyraby ŭ Biełarusi ŭ červieni ŭ paraŭnańni z majem stali daražejšymi na 14,2%, va Ukrainie — na 1,2%, u Kazachstanie — na 0,6%, u Rasii — zastalisia na ŭzroŭni minułaha miesiaca.
Alej u Biełarusi padaražeŭ na 8,5%, u Kazachstanie — na 1,1%, va Ukrainie — na 0,3%, u Rasii — patańnieŭ na 0,2%.
Ałkaholnyja napoi ŭ Biełarusi za miesiac padaraželi na 5,4%, u Rasii i va Ukrainie — na 0,6%, u Kazachstanie — na 0,3%.