Pryznańnie Siamaški
Adnoj z pryčyn kryzisu staŭ rezki rost zarpłat u 2010-m.
Pieršy namieśnik kiraŭnika ŭrada Biełarusi Uładzimir Siamaška ličyć, što adnoj z pryčyn finansava-ekanamičnaha kryzisu ŭ krainie staŭ rezki rost zarabotnaj płaty ŭ śniežni 2010 hoda.
«Ja liču, da ciapierašniaha stanovišča pryviali try pryčyny: pa-pieršaje — rost koštaŭ na enierhanośbity, pa-druhoje — pamyłkovaja manietarnaja palityka Nacbanka, pa-treciaje — rezki rost zarabotnaj płaty ŭ śniežni minułaha hodu», — zajaviŭ U. Siamaška, naviedvajučy Biełaruski metałurhičny zavod. Jaho vykazvańni pryvodzić ahienctva Interfaks sa spasyłkaj na pres-słužbu pradpryjemstva.
Abiacańnie padvysić siaredni zarobak u krainie da 500 dalaraŭ było adnym z asnoŭnych padčas letašniaj pieradvybarčaj kampanii Alaksandra Łukašenki.
Vystupajučy na BMZ, pieršy vice-premjer adznačyŭ, što zaraz u Biełarusi raspracavanaja «prahrama dziejańniaŭ, jakaja dazvalaje da kanca hodu stabilizavać situacyju ŭ krainie». U. Siamaška padkreśliŭ, što tempy rostu zarabotnaj płaty ŭ arhanizacyjach i na pradpryjemstvach nie pavinny apiaredžvać tempy rostu pradukcyjnaści pracy.
Adkazvajučy na pytańni rabotnikaŭ BMZ ab mahčymaści rostu taryfaŭ na pasłuhi ŽKH, U. Siamaška zapeŭniŭ, što jany dla nasielnictva padvyšacca nie buduć.
Čytajcie taksama:
Kamientary da artykuła