Kolkaść biełarusaŭ u Litvie źmienšyłasia da 1%

Vilenčuki masava stračvajuć biełaruskuju samaidentyfikacyju.

Abnarodavanyja papiarednyja vyniki pierapisu nasielnictva ŭ Litvie.

Pavodle kiraŭnika adździeła demahrafii Departamienta statystyki Danhuole Śvidlerenie, na pačatak 2011 hoda ŭ Litvie pražyvali 3 młn 54 tys. čałaviek. Litoŭcy składajuć — 81,7%, palaki — 5,9% (192 500), ruskija — 4,7% (151 800).

Biełarusy iduć na 4-m miescy, na siońnia ŭ Litvie ich pražyvaje 33 600 čałaviek, abo 1% ad nasielnictva, zatym iduć ukraincy — 18 300 (0,5%), jaŭrei i niemcy pa 2 900 čałaviek, tataraŭ — 2 600, cyhany — 2 400, łatyšy — 2 100.

Taksama Departamient statystyki zaznačaje, što 176 tys. čałaviek admovilisia nazvać svaju nacyjanalnaść.

Kolkaść biełarusaŭ u Litvie praciahvaje źmianšacca. U 1989 hodzie biełarusaŭ u Litvie (apošni saviecki pierapis) było 63 tys., u siaredzinie 1990-ch — krychu bolš za 50 tys., a 2010 h. — 35 600 čałaviek.

Kamientary da artykuła