Zaćvierdžany Płan mierapryjemstvaŭ pa vykanańni Prahramy sacyjalna-ekanamičnaha raźvićcia na piacihodku
Usiaho ŭ płanie 249 pazicyj.
Płan mierapryjemstvaŭ pa vykanańniu Prahramy sacyjalna-ekanamičnaha raźvićcia Biełarusi na 2011–2015 hady zaćvierdžany ŭ Biełarusi. Adpaviednaje rašeńnie źmiaščana ŭ pastanovie Savieta Ministraŭ № 942 ad 11 lipienia 2011 hoda, paviedamili BIEŁTA ŭ pres-słužbie biełaruskaha ŭrada.
Usiaho ŭ płanie 249 pazicyj, jakija ŭklučajuć mierapryjemstvy ŭ halinie biudžetna-padatkovaj, cenavaj i antymanapolnaj palityki, finansavych rynkaŭ, inviestycyjnaj i inavacyjnaj dziejnaści, miedycyny, adukacyi, kultury i sportu. U dakumiencie adlustravany asnoŭnyja napramki raźvićcia pramysłovaści, budaŭnictva, sielskaj i lasnoj haspadarki, śfiery pasłuh.
Tak, u halinie biudžetna-padatkovaj palityki ŭ bližejšyja piać hadoŭ praduhledžvajecca
aptymizacyja biudžetnych raschodaŭ z kancentracyjaj ich na pryjarytetnych napramkach sacyjalna-ekanamičnaha raźvićcia Biełarusi i pavyšeńnie efiektyŭnaści vykarystańnia biudžetnych srodkaŭ, udaskanaleńnie struktury i miechanizmaŭ spahnańnia ŭstanoŭlenych padatkaŭ i zboraŭ z aryjentacyjaj na maksimalnaje nabližeńnie padatkovaj sistemy Biełarusi da prymianiajemych u ekanamična raźvitych krainach, radykalnaje spraščeńnie pracedur padatkovaha administravańnia i kantrolu, umacavańnie pazicyj krainy ŭ suśvietnych rejtynhach. U halinie cenavaj i antymanapolnaj palityki płanujecca paetapnaje skaračeńnie i likvidacyja pierakryžavanaha subsidziravańnia ŭ tych śfierach ekanomiki, dzie na praciahu šerahu hadoŭ skłalisia peŭnyja pierakosy i dyspraporcyi, udaskanaleńnie i harmanizacyja narmatyŭnaj pravavoj bazy, praduchileńnie abmiežavańnia kankurencyi i pravoŭ jurydyčnych asob i indyvidualnych pradprymalnikaŭ na prodaž, kuplu tavaraŭ pry mižabłasnych pastaŭkach.
Dla stymulavańnia raźvićcia pradprymalnictva i dziełavoj aktyŭnaści
buduć prymacca miery pa ŭstaranieńniu administracyjnych barjeraŭ, jakija pieraškadžajuć viadzieńniu biźniesu, źnižeńniu padatkovaj nahruzki i pavyšeńniu dastupnaści kredytna-finansavych, materyjalna-techničnych, ziamielnych resursaŭ i nieruchomaj majomaści. Aktyvizujucca pracesy pryvatyzacyi i refarmavańnia struktury dziaržaŭnaj ułasnaści, budzie ŭdaskanaleny instytut ekanamičnaj niepłaciežazdolnaści (bankructva).
Asobnym błokam u płanie prapisany mierapryjemstvy pa raźvićciu ŭ Biełarusi navukova-techničnaj dziejnaści. Buduć stvorany dadatkovyja stymuły dla pavyšeńnia ŭ krainie inavacyjnaj aktyŭnaści, dalejšaha raźvićcia inavacyjnaj infrastruktury, uzmacnieńnia abarony intelektualnaj ułasnaści. U Biełarusi źjaviacca novyja navukajomistyja i vysokatechnałahičnyja vytvorčaści.
Siarod najbolš bujnych prajektaŭ, zapłanavanych da realizacyi ŭ biahučaj piacihodcy ŭ pramysłovym kompleksie,
— stvareńnie na bazie AAT «Biełaruśkalij» chimičnaha kambinata pa kompleksnaj pierapracoŭcy chłorystaha kaliju i chłorystaha natryju, pačatak budaŭnictva horna-chimičnaha kambinata pa pierapracoŭcy haručych słancaŭ mahutnaściu 5 młn.t u hod, madernizacyja i rekanstrukcyja pramysłovych vytvorčaściej na RUP «Homsielmaš» i ŭ AAT «MAZ», adkryćcio abjekta tavarapravodnaj sietki AAT «Biełšyna» u Aŭstralii, budaŭnictva zavoda pa vytvorčaści sulfatnaj bielenaj celułozy na bazie AAT «Śvietłahorski CKK», stvareńnie novych mikrabijałahičnych vytvorčaściej — draždžavoha zavoda na bazie AAT «Słucki cukrova-rafinadny kambinat», vytvorčaści limonnaj kisłaty na bazie AAT «Skidzielski cukrovy kambinat» i mnohija inšyja.
U paliŭna-enierhietyčnym kompleksie namahańni buduć nakiravany na pavieličeńnie stratehičnych zapasaŭ enierhietyčnych resursaŭ, źnižeńnie doli pryrodnaha hazu ŭ spažyvańni kacielna-piačnoha paliva pry vytvorčaści elektryčnaj i ciepłavoj enierhii, pavieličeńnie doli ŭłasnych enierharesursaŭ u bałansie kacielna-piačnoha paliva krainy, źnižeńnie tempaŭ zdabyčy nafty na dziejučych radoviščach, raspracoŭku novych radoviščaŭ i sumiesnaje asvajeńnie naftavych radoviščaŭ za miažoj, a taksama naroščvańnie ekspartnaha patencyjału i pavyšeńnie efiektyŭnaści prodažaŭ naftapraduktaŭ.
Prykmietna źmienicca ŭ biahučaj piacihodcy i biełaruskaja sistema adukacyi.
U hetaj halinie praduhledžana aptymizacyja abjomaŭ i struktury padrychtoŭki śpiecyjalistaŭ z vyšejšaj i siaredniaj śpiecyjalnaj adukacyjaj i rabočych kadraŭ u adpaviednaści z patrebnaściami raźvićcia vysokatechnałahičnych vytvorčaściej, ukaranieńnie sučasnych infarmacyjna-kamunikacyjnych technałohij, zabieśpiačeńnie kožnaj ustanovy adukacyi šyrokapałosnym dostupam u hłabalnuju kampjutarnuju sietku, asnaščeńnie ŭsich ahulnaadukacyjnych ustanoŭ prahramnymi srodkami. Zapłanavana taksama nadańnie ŭniviersitetam funkcyj centraŭ navukova-inavacyjnaj dziejnaści, stvareńnie i raźvićcio pry ich subjektaŭ inavacyjnaj infrastruktury, intehracyja prafiesijnaj adukacyi, navuki i vytvorčaści. Asablivaja ŭvaha budzie ŭdzialacca naroščvańniu ekspartu adukacyjnych pasłuh za košt pavieličeńnia kantynhientu zamiežnych navučencaŭ, u tym liku hramadzian jeŭrapiejskich krain
Čytajcie taksama:
Kamientary da artykuła