U Minsku samahubca vyžyŭ, skočyŭšy z 10-ha pavierchu

Dziakujučy apieratyŭnaj pracy ratavalnikaŭ udałosia vyratavać žyćcio 19-hadovaha chłopca.

14 lipienia ŭ sa stancyi chutkaj dapamohi ratavalnikam pastupiła infarmacyja ab sprobie suicydu na vulicy Zasłaŭskaj.

Prybyŭšy da miesca vykliku ratavalniki ŭbačyli, što na vośmym paviersie dvanaccacipaviarchovaha doma znachodzicca mužčyna. Pierałaziačy z 6-ha pa 10-y pavierch pa kanstrukcyjam bałkonaŭ jon pahražaŭ skončyć žyćcio samahubstvam. Pry hetym chłopiec uciakaŭ ad ratavalnikaŭ, jakija sprabavali zacianuć jaho ŭ budynak, pa vonkavaj leśvicy.

U vyniku ratavalniki razharnuli pad mahčymym miescam padzieńnia chłopca tak zvany «Kub žyćcia» — admysłovuju vialikuju naduŭnuju pryładu. I niezdarma. U rešcie rešt niaŭdały samahubca ŭsio ž skoknuŭ uniz z haŭbca 10-ha pavierchu i trapiŭ u «pastku» ratavalnikaŭ.

Na ščaście, jon zastaŭsia žyvy i navat nie atrymaŭ surjoznych traŭmaŭ. Ale na pytańni ratavalnikaŭ adkazać nie moh, bo byŭ absalutna pjany, piša Jeŭraradyjo sa spasyłkaj na «Ježiednievnik».

Kamientary da artykuła