Biznes-koły prosiać najchutčejšaha vychadu na adziny kurs rubla
Realny biznes vymušany pracavać va ŭmovach realnaj devalvacyi, jakaja składaje 150- 200% (kurs 7500-9000 rubloŭ).
Pradstaŭniki biełaruskich
«Urad i Nacbank niedaaceńvajuć składanaść momantu, hłybiniu i pryčyny ekanamičnaha kryzisu.Vyznačanyja ŭ antykryzisnym płanie miery hruntujucca na pamyłkovaj pieradumovie — devalvacyi biełaruskaha rubla ŭ adnosinach da dalara na 56%», — zajaviŭ staršynia biznes-sajuza pradprymalnikaŭ i najmalnikaŭ im. Kuniaŭskaha (BSPN) Hieorhij Badziej.
Takija zaŭvahi ŭtrymlivajucca ŭ analityčnaj zapiscy, nakiravanaj BSPN i Radaj pa raźvićci pradprymalnictva ŭ Biełarusi ŭ Savviet biaśpieki i administracyju prezidenta krainy.
Hieorhij Badziej adznačaje, što zroblenaja 24 maja devalvacyja biełaruskaha rubla ŭ pamiery 56% dziejničaje tolki dla abmiežavanaha kruha subjektaŭ haspadarańnia. Uvieś astatni realny biznes zmušany pracavać va ŭmovach realnaj devalvacyi, jakaja składaje 150-200%. Heta šok dla bolšaści subjektaŭ haspadarańnia i ŭsich, chto źviazany ź impartam syraviny, materyjałaŭ i spažyvieckich tavaraŭ», — miarkuje jon.
150–200% ad dadevalvacyjnaha kursa dalara — heta 7500–9000 rubloŭ. Mienavita hetyja ličby nazvajucca realnymi pry apieracyjach pamiž jurydyčnymi asobami.