U Minsku vystupić adzin z zasnavalnikaŭ Depeche Mode Endzi Fletčer
U prychilnikaŭ Depeche Mode źjaviłasia nahoda ź nieciarpieńniem čakać prychodu vosieni. 2 vieraśnia na biełaruskuju ziamlu ŭpieršyniu stupić naha ŭdzielnika kultavaj brytanskaj hrupy Endzi Fletčera, jaki adyhraje ŭ Minsku dj-set.
Adzin z zasnavalnikaŭ Depeche Mode paśla 17 hadoŭ supracoŭnictva ź lehiendarnaj kamandaj — spačatku ŭ jakaści bas-hitarysta, potym kłavišnika i, narešcie, niaźmiennaha mieniedžera — praciahvaje ekśpierymientavać z hukam, ale ŭžo ŭ novym farmacie dj-setaŭ, u jakich virtuozna kampiluje elektronnyja sempły z chitami Depeche Mode.
Kancepcyja jaho ciapierašniaha tura — pabyvać u tych miescach, kudy jašče nie pryjazdžali Depeche Mode. Da Biełarusi jon paśpieŭ vystupić u Rumynii (Bucharest), Ukrainie (Kijeŭ, Adesa), Aŭstralii (Sidnej, Mielburn), Tajłandzie (Pchukiet), na Filipinach (Maniła), u Sinhapury, Indanezii (Džakarta), Kitai (Piekin), Paŭdniovaj Karei (Sieuł), AAE (Dubaj), Bielhii (Erv) i ŭ mnohich inšych kropkach śvietu.
"Ja sapraŭdy atrymlivaju asałodu ad dzidžejstva, — havoryć Endzi Fletčer. — Heta vydatna — atrymać vizualny kantakt z hledačami na nievialikaj placoŭcy, u toj čas jak z Depeche Mode ja ihraŭ pierad dziasiatkami tysiač ludziej. Pa vialikim rachunku, ja nie naładžany na peŭny styl, ale ŭsie maje vystupleńni zasnavanyja na muzycy Depeche Mode. Ja budu vykonvać jak zusim novyja miksy Depeche Mode, tak i kłasičnyja staryja. Buduć i siurpryzy — nad niekatorymi kampazicyjami śpiecyjalna dla majučaha adbycca dzidžej-tura ciapier pracuju ŭ studyi".
2 vieraśnia ŭ Minsku prahučać Personal Jesus, Barrel Of A Gun, Precious i mnohija inšyja ŭsimi lubimyja pieśni ŭ ekskluziŭnaj apracoŭcy praź pieršyja ruki. Kancert adbudziecca ŭ minskim vystavačnym kompleksie "Biełekspa" (vuł. Kupały, 27).