Mižnarodny etnafiestyval «Volnaje pavietra» adbudziecca 27 žniŭnia ŭ Šablach

Mižnarodny etnafiestyval «Volnaje pavietra» adbudziecca 27 žniŭnia na chutary Šabli (vioska Małoje Zaprudździe Vałožynskaha rajona Minskaj vobłaści), paviedamili ŭ pres-słužbie fiestyvalu.

Mierapryjemstva płanavałasia na 2 lipienia, adnak arhanizatary pieranieśli datu jaho praviadzieńnia na kaniec žniŭnia «z-za niedachopu supracoŭnikaŭ milicyi», jakija byli zadziejničany ŭ zabieśpiačeńni biaśpieki ŭ Minsku 3 lipienia, u Dzień Niezaležnaści.

«Atrymanyja ŭsie nieabchodnyja dazvoły miascovych uład, pravaachoŭnych orhanaŭ, — cytuje pres-słužba arhanizatara mierapryjemstva Uładzimira Šablinskaha. — Dasiahnutyja damoŭlenaści z usimi nieabchodnymi techničnymi i bytavymi słužbami. Tak što hledačy ŭžo mohuć płanavać svaju pajezdku na fiestyval.

Bilety ŭžo ŭ prodažy».

***

«Volnaje pavietra» źbiare paŭtara dziasiatka biełaruskich i zamiežnych artystaŭ, jakija spałučajuć etna z sučasnymi muzyčnymi tendencyjami. Charakterna toje, što ŭsie zamiežnyja vykanaŭcy naviedajuć Biełaruś upieršyniu. Siarod ich «Badźjan Sauna Sistem» (Ukraina), «Komba-bakch» (Rasija), DJ Wojcio (Polšča), a taksama Shazalakazoo (Sierbija) i Sovijus (Litva). Svaje etnamuzyčnyja ekśpierymienty prademanstrujuć biełaruskija hurty «Nahual», Gurzuf, Morfe Acoustic Band, a taksama šerah dzidžejaŭ.

Jak raniej paviedamlała pres-słužba fiestyvalu, dla haściej abstaloŭvajuć kinateatr pad adkrytym niebam, jany taksama zmohuć paŭdzielničać u roznych hulniach i zabavach. Akramia taho, na mierapryjemstvie budzie arhanizavany paŭnacenny servis — «ad tualetaŭ da charčavańnia i pałatačnaha haradka».

Kamientary da artykuła