Pakiet z novanarodžanym znojdzieny ŭ parkavaj zonie ŭ Minsku. Chłopčyk u reanimacyi
Prakuratura šukaje maci kinutaha dziciaci.
Dźvie minčanki hulali pa parkavaj zonie ŭ rajonie vulicy Asanalijeva i znajšli polietylenavy pakiet. U im byŭ novanarodžany chłopčyk. Niemaŭlatka byŭ dastaŭleny ŭ dziciačuju balnicu. Lekary vyśvietlili, što dzicia naradziłasia ŭsiaho niekalki hadzin tamu. Ciapier jon znachodzicca ŭ reanimacyi.
Stan aceńvajecca jak stabilna ciažki.
Śledčy adździeł prakuratury Minska pravodzić pravierku pa hetym fakcie. Prymajucca miery dla pošuku maci kinutaha dziciaci.