Nie ŭdałosia adšukać zabojcu kasira «Absalutbanka»

Pravaachoŭnym orhanam nie ŭdałosia adšukać čałavieka, jaki ŭ kancy 2009 hoda ŭčyniŭ razbojny napad na punkt abmienu valuty «Absalutbanka» i zabiŭ žančynu-kasira.

Pra heta zajaviŭ hienieralny prakuror Biełarusi Ryhor Vasilevič 20 lipienia na pres-kanfierencyi ŭ Minsku.

Pavodle jaho słoŭ, niahledziačy na videazapisy, supracoŭniki pravaachoŭnych orhanaŭ nie zmahli ŭstanavić asobu čałavieka, jaki padazrajecca va ŭčynieńni hetaha złačynstva.

Vasilevič nahadaŭ, što z-za šerahu razbojnych napadaŭ na punkty abmienu valut, jakija adbyvalisia ŭ Minsku ŭ kancy 2009 hoda — pačatku 2010 hoda, Hienprakuratura źviarnułasia da bankaŭ z patrabavańniem ustanavić kamiery videanazirańnia ŭ abmieńnikach i bankamatach. Akramia taho, dla ŭzmacnieńnia hramadskaj biaśpieki videakamiery byli ŭstanoŭlenyja i na inšych abjektach, jakija naviedvaje vialikaja kolkaść ludziej.

Vasilevič padkreśliŭ, što stvoranaja sistema videanazirańnia dapamahła supracoŭnikam pravaachoŭnych orhanaŭ u maksimalna karotkija terminy ŭstanavić asob, jakija padazrajucca va ŭčynieńni teraktu ŭ minskim mietro.

Kamientary da artykuła