Biełarusam niešta nie śpicca

Značnaja častka nasielnictva Biełarusi pakutuje ad roznych parušeńniaŭ snu,

paviedamiła namieśnik dyrektara Respublikanskaha navukova-praktyčnaha centra psichičnaha zdaroŭja Taćciana Dakukina 20 lipienia na pres-kanfierencyi ŭ Minsku.

Razam z tym, pavodle jaje słoŭ, ludzi redka źviartajucca pa hetaj pryčynie da daktaroŭ. Za piać hadoŭ u RNPC psichičnaha zdaroŭja z dyjahnazam «rasstrojstva snu» i «snachadžeńnie» byli špitalizavanyja tolki 72 čałavieki. Adnak parušeńni snu adznačajucca va ŭsich tych, chto pakutuje na tryvožnyja i depresiŭnyja rasstrojstvy. Da biassońnicy mohuć pryvieści roznyja pryčyny — ad niaščasnaha kachańnia i prablem na pracy da pieraniesienych čerapna-mazhavych traŭm i infiekcyj.

Pry hetym źmianšeńnie času snu, jaki dla darosłaha čałavieka pavinien składać 7–8 hadzin, viadzie da pieratamleńnia, źniasileńnia, raźvićcia roznych chvarob, niaščasnych vypadkaŭ,

Jak paviedamiła inśpiektar adździaleńnia ahitacyi i prapahandy UDAI UUS Minharvykankama Iryna Sapunova, u Biełarusi adznačajucca vypadki darožna-transpartnych zdareńniaŭ z-za pieratamleńnia i zasynańnia vadzicielaŭ za rulom. Tolki ŭ Minskaj vobłaści z pačatku hoda pa hetaj pryčynie adbylisia šeść DTZ, u jakich adzin čałaviek zahinuŭ i šeść atrymali traŭmy roznaj stupieni ciažaru. Śpiecyjalisty rekamiendujuć vadzicielam pierad praciahłaj pajezdkaj vyspacca i adpačyć. «Kali za rulom vy adčuli stomlenaść, lepš spynicca, vyjści, padychać śviežym pavietram, zrabić jakija-niebudź fizičnyja praktykavańni», — skazała Sapunova.

Urač-nieŭrołah Siarhiej Kałamijec rekamienduje dla palapšeńnia jakaści snu pierš za ŭsio kłaścisia spać zaŭsiody ŭ adzin i toj ža čas, pažadana ŭ śpiecyjalna vydzielenym dla hetaha pakoi, u jakim zabiaśpiečana śviatło- i hukaizalacyja. Pierad snom pakoj treba pravietryć, aptymalnaja tempieratura dla snu — 13–24 hradusy.

Pierad snom rekamiendujecca krychu pierakusić.

Spać varta na dastatkova ćviordym matracy vyšynioj 8–10 sm. Pažadana, kab jon byŭ vyrableny z naturalnych materyjałaŭ, jakija dazvalajuć padtrymlivać adnu i tuju ž tempieraturu i vilhotnaść pry kantakcie sa skuraj. Paduška nie pavinna być vysokaj, hałava śpiačaha pavinna znachodzicca na adnoj płoskaści ź ciełam. Son na vysokaj padušcy na praciahu niekalkich hadoŭ moža pryvieści da źjaŭleńnia roznych nieŭrałahičnych rasstrojstvaŭ, u tym liku da parušeńnia mazhavoha krovazvarotu, a taksama da šyjnaha asteachandrozu, hałaŭnych bolaŭ napružańnia. Najbolš ža fizijałahičnaja poza dla snu — na baku.

Kamientary da artykuła