Narodny advakat Sapiełka trapiŭ u reanimacyju z sercam
Jon byŭ abaroncam Sańnikava, i ŭ jaho zabrali licenziju.
Jon byŭ abaroncam Sańnikava, i ŭ jaho zabrali licenziju.
belsat.eu
Hety pavažany advakat uvachodziŭ u skład prezidyuma haradskoj kalehii advakataŭ. Ale 3 sakavika jaho vyklučyli nie tolki z prezidyuma, ale i z kalehii. Heta zdaryłasia paśla taho, jak kalehija atrymała adpaviednaje pradpisańnie Ministerstva justycyi.
Pavieł Sapiełka abaraniaŭ Andreja Sańnikava, Paŭła Sieviarynca i Źmitra Daškieviča.Jahonaja nastojlivaść u ramkach hetych spravaŭ i vyklikała hnieŭ viedamstva ministra Hałavanava.
Ciapier jon zajmacca advakackaj dziejnaściu nie moža. Zhodna z «Zakonam ab advakatury», advakackaja praktyka pavinna adbyvacca tolki ŭ składzie kalehii.
Doŭhija hady Sapiełka sumlenna abaraniaŭ u sudach mnohich palitviaźniaŭ i niezaležnyja vydańni. Mienavita jaho padabaronnymi byli Mikoła Aŭtuchovič i siabry niezarehistravanaj arhanizacyi naziralnikaŭ «Partniorstva».
Miniust ubačyŭ «hrubyja parušeńni praviłaŭ prafiesijnaj etyki» ŭ dziejańniach Sapiełki i šerahu inšych advakataŭ — akurat tych, jakija baranili manifiestantaŭ 19 śniežnia i lidaraŭ apazicyi.
Pavieł Sapiełka zajaŭlaŭ, što inicyjatyva jaho pakarańnia sychodziła ad staršyni KDB i Miniusta.
Vynikam astrakizmu stali prablemy z sercam. Na ščaście, advakata svoječasova dastavili ŭ reanimacyju.
Ciapier jahonaje zdaroŭje papraŭlajecca. Najhoršaje, kažuć daktary, zastałosia zzadu. Zaŭtra jaho mohuć pieravieści ŭ zvyčajnuju pałatu. Pakul daktary prasili nas jaho nie turbavać.