Łukašenka hubiernataru Kosincu: «Boŭtaješsia apošni hod»
Novy pavarot: Łukašenka patrabuje ŭžo nie kolkaść zbožža, a rentabielnaść. Taksama Łukašenka źmianiŭ zapłanavany prahramaj maršrut i skazaŭ, što i nadalej budzie tak rabić.
Novy pavarot: Łukašenka patrabuje ŭžo nie kolkaść zbožža, a rentabielnaść. Taksama Łukašenka źmianiŭ zapłanavany prahramaj maršrut i skazaŭ, što i nadalej budzie tak rabić.
Alaksandr Łukašenka daŭ Viciebskaj vobłaści adzin hod dla vychadu sielskaj haspadarki na rentabielnuju rabotu, — z surjoznaści paviedamlaje łukašenkaŭskaje ahienctva BiełTA.
«Boŭtaješsia apošni hod. U nastupnym hodzie: jość rentabielnaść — tvaja praŭda, nie — adkazvaj», — skazaŭ Łukašenka, źviartajučysia da hubiernatara vobłaści Alaksandra Kosinca.
Alaksandr Łukašenka vykazaŭ hłybokuju dumku, što «kiraŭniki haspadarak viedajuć, jakija ź sielhaskultur dajuć maksimalnuju addaču na ich ziemlach. Na hetu infarmacyju pavinny aryjentavacca hubiernatary, a nie davodzić źvierchu płany pa apracoŭcy toj abo inšaj kultury». «Kali źvierchu idzie ŭstanoŭka atrymać 2 młn t, heta budzie minus 20 pracentaŭ rentabielnaści, a potym usio heta zakładuć u ptušku, śvininu i naohuł nijakaj rentabielnaści», — rastłumačyŭ jon. «Zbožžavyja kultury treba siejać z rozumam. Ja liču, što tut, na poŭnačy krainy, adzinkavyja pali, dzie možna siejać zbožžavyja i rentabielna atrymlivać uradžaj», — skazaŭ jon. «Navošta apracoŭvać nierentabielnyja kultury?» — dadaŭ jon.
Alaksandr Łukašenka zakranuŭ taksama i pytańnie vypasu žyvioły ŭ pojmach. Na jaho dumku, u Viciebskaj vobłaści hetamu ŭdzialajecca niedastatkova ŭvahi. «Viciebskaja vobłaść siońnia ŭ chvaście ŭ hetym płanie.
Pralatajučy, ja nie bačyŭ nivodnaha statka ŭ pojmie, ab čym my damaŭlalisia. Prypiać pobač nie stajała z hetymi ŭhodździami»,— skazaŭ kiraŭnik dziaržavy. Jon padkreśliŭ, što pierśpiektyvaj hetaha rehijonu źjaŭlajecca vytvorčaść jałavičyny.
Ministr sielskaj haspadarki i charčavańnia Michaił Rusy dałažyŭ Łukašenku ab pačatku i asablivaściach uborki ŭradžaju zbožžavych jak u cełym pa krainie, tak i Viciebskaj vobłaści, i ŭ pryvatnaści, u Pastaŭskim rajonie. Pavodle jaho słoŭ, na siońniašni dzień uborku pačali ŭsie vobłaści.Vyviedziena na pali technika, padrychtavany zierniesušylnyja kompleksy, rapartavaŭ jon.
Alaksandr Łukašenka źmianiŭ zapłanavany prahramaj maršrut naviedvańnia haspadarak. Jon vybraŭ dla naviedvańnia SVK «Kamajski». I skazaŭ, što i nadalej budzie adchilacca ad zapłanavanych maršrutaŭ.
Łukašenka pabyvaŭ na małočnatavarnym kompleksie i na palach. Akramia taho, Alaksandr Łukašenka, pacikaviŭšysia ŭ staršyni Pastaŭskaha rajvykankama Viktara Hutarava, jakaja z haspadarak źjaŭlajecca pieradavoj u rajonie, vyrašyŭ naviedać i jaje. Najlepšaj haspadarkaj rajona źjaŭlajecca AAT