Były desantnik Cianiuta: Nie padtrymlivaju kupańnia ŭ fantanach, heta pytańnie vychavańnia
2 žniŭnia – Dzień desantnika.
2 žniŭnia — Dzień desantnika.
2 žniŭnia — dzień, kali i maładyja, i sivyja biełarusy apranajuć vajskovuju formu i ŭsim svaim vyhladam tłumačać hramadstvu ŭsie «pieravahi» j «bonusy» vajskovaj słužby ŭ Siłach śpiecyjalnych apieracyj (SSA). Mienavita tak zaraz nazyvajucca
Usiaho na terytoryi Biełarusi mieścicca 3 bryhady hetaha typu vojsk.U Marjinaj Horcy (5-ja asobnaja śpiecyjalnaha naznačeńnia), Bieraści (38-ja hvardziejskaja asobnaja) i, biezumoŭna, Viciebsku (103-ja hvardziejskaja asobnaja), dzie siońnia maje adbycca «bratańnie» biełaruskich i amierykanskich žaŭnieraŭ, jakija prachodziać sumiesnuju padrychtoŭku.
Biełaruskija Siły śpiecapieracyj naradzilisia z savieckich Pavietrana-desantnych vojskaŭ. Mienavita 2 žniŭnia 1930 hoda padčas vučeńniaŭ Maskoŭskaj vajskovaj akruhi ŭpieršyniu byŭ paśpiachova desantavany na parašutach źviaz z 12 čałaviek. Ad hetaha času druhi dzień apošniaha letniaha miesiaca staŭ aficyjnym śviatam desantnych vojskaŭ.
U svoj čas słužbu ŭ desantnych vojskach prachodziŭ viadomy piśmieńnik-fantast Arkadź Struhacki. Ale jak tut nie ŭzhadać pra biełaruskich patryjotaŭ Cimocha Vostrykava i Janku Filistoviča, jakija ŭ stalinski čas desantavalisia ŭ Biełarusi jak pradstaŭniki BNR, kab vieści zmahańnie za niezaležnaść krainy?
Što treba, kab adznačyć Dzień desantnika? Pierš za ŭsio być desantnikam. U advarotnym vypadku, nie daŭšy adkaz na parol «ty dzie słužyŭ?» čałaviek ryzykuje stracić častku svajho kaštoŭnaha zdaroŭja.
«U čaściach VDV ładziać dni adčynienych dźviarej, a vieterany źbirajucca na płoščach», — patłumačyŭ Michaił Łarčanka z Babrujska, jaki niadaŭna demabilizavaŭsia.
Asablivym šykam ličycca ŭ niekatorych ličycca «aśviažeńnie ŭ fantanie»paśla pryniaćcia dastatkovaj dozy harełki. U papularnym žarcie desantnika paraŭnoŭvajuć z atamnaj elektrastancyjaj, raspalenyja stryžni jakoj pastajanna patrabujuć vyplesku enerhii i achałodžvańnia. Inšy žart kaža, što «desantnik mirnym nie byvaje».
Śpiecnazu zapomniłasia bojka z «VDVšnikami» na Vyśpie śloz 3 hady tamu.
Były palitpryzyŭnik Andruś Cianiuta ŭ fantanie kupacca nie źbirajecca, adznačyć śviata z byłymi sasłužboŭcami na pryrodzie z šašłykami. «Nie padtrymlivaju kupańnie ŭ fantanach, bo heta pakazčyk vychavańnia».