Hałoŭny trenier BATE prakamientavaŭ vyniki siońniašniaha losavańnia plej-of Lihi čempijonaŭ

Hałoŭny trenier BATE Viktar Hančarenka prakamientavaŭ vyniki siońniašniaha losavańnia plej-of kvalifikacyi Lihi čempijonaŭ. Nahadajem, što supiernikam BATE budzie aŭstryjski «Šturm»

— Nie skazaŭ by, što chto-niebudź ź piaci našych patencyjnych apanientaŭ bačyŭsia niepažadanym. Usie hetyja kamandy — čempijony svaich krain, majuć dobruju psichałohiju. Tamu za losavańniem naziraŭ spakojna. Pryčym nie bačyŭ asablivaj roźnicy, dzie pačynać — doma ci na vyjeździe. Jak praviła, usio vyrašajecca ŭ sustrečy ŭ adkaz, u jakoj možna dziejničać bolš raźniavolena.

Miarkuju, što supiernik [«Šturm»] supastaŭnaha z nami ŭzroŭniu. U lutym minułaha hoda my pravodzili kantrolny pajadynak z «Austryjaj» — arhanizavanaja, fizična mahutnaja kamanda. Vierahodna, i «Šturm» hulaje ŭ padobnym styli: dobryja standartnyja stanoviščy, kampaktnyja dziejańni ŭ abaronie. Infarmacyi ab im pakul zamała — užo prystupili da papaŭnieńnia prabiełaŭ. Zaŭtra družyna z Hraca praviadzie kubkavuju sustreču, na jakuju adpravicca Vadzim Skrypčanka. Plus u našym rasparadžeńni buduć zapisy matčaŭ u nacyjanalnym pieršynstvie i Lizie čempijonaŭ.

— Ci płanujecie dla lepšaj padrychtoŭki pierasunuć hulni čempijanatu Biełarusi?

— Nam užo dasłali daty pajadynkaŭ sa «Šturmam» — 16 i 24 žniŭnia. Napeŭna, my paprosim zrušyć matč z «Homielem» z 21-ha na 20-je.

Nie liču, što nam daviadziecca achviaravać unutranym čempijanatam va ŭhodu jeŭrakubkach. Usio-tki pamiž sustrečami z aŭstryjcami vosiem dzion. Voś kali b daviałosia vychodzić na pole praz dva dni na treci — heta byŭ by ryzyka.

— BATE zabiaśpiečyŭ sabie pucioŭku ŭ jeŭravosień. Ale narod patrabuje hrupavoj stadyi hałoŭnaha turniru Staroha Śvietu. Jak majuć namier spraŭlacca z pavyšanym naciskam?

— Užo nieadnarazova adkazvaŭ na hetaje pytańnie i paśla druhoj hulni z «Ekranasam» prasiŭ žurnalistaŭ nie akazvać na nas takoha nacisku. Choć, zrazumiełaja sprava, takaja ich praca — vyšukvać niešta cikavaje, što ŭ tym liku moža i cisnuć na kamandu. Zadača trenierskaha štaba ŭ takoj situacyi — zrabić usio mahčymaje, kab heta nacisk asłabić…

Kamientary da artykuła