Bialacki trymajecca badziora, jaho dapytvajuć
Ciapier pravaabaroncu Alesia Bialackaha ŭ prysutnaści advakata dapytvaje śledčaja hrupa departamienta finansavych rasśledavańniaŭ Kamiteta dziaržkantrolu Biełarusi.
Jak paviedamiła BiełaPAN pravaabaronca Taćciana Raviaka, dopyt pačaŭsia kala 13.00, kolki jon budzie doŭžycca — nieviadoma. Jana razam z žonkaj Alesia Bialackaha Natallaj pryvieźli pravaabaroncu pieradaču, adnak jaje nie pryniali i spasłalisia mienavita na toje, što idzie dopyt. Natalli Bialackaj na karotki termin udałosia sustrecca z mužam, jaki, pavodle jaje słoŭ, «pieradaje ŭsim pryvitańnie» i «trymajecca badziora».
Padčas dopytu da žančyn vyjšaŭ śledčy i, jak skazała Raviaka, paviedamiŭ, što paśla pracesualnaj pracedury budzie pryniata adno z troch rašeńniaŭ: abo ź Bialackaha zdymuć padazreńni i adpuściać, abo jon budzie pamieščany na 10 sutak u SIZA MUS da pradjaŭleńnia abvinavačańnia, abo siońnia ž budzie pradjaŭlena abvinavačańnie i pravaabaroncu pamieściać u śledčy izalatar.