U Kijevie aryštavali Juliju Cimašenka. Ukraina skaciłasia ŭ aŭtarytaryzm
Juliju Cimašenku vinavaciać u parušeńniach pry zaklučeńni hazavaha kantraktu z Rasijaj u 2009 h.
Piačerski sud aryštavaŭeks-prem jera Juliju Cimašenka. Adpaviednuju pastanovu abviaściŭ sudździa Radzivon Kirejeŭ. Na dumku sudździ, Cimašenka na voli moža ŭchilicca ad śledstva.
«Padsudnaja pastajanna parušała paradak, hrebliva staviłasia da śviedak, zaciahvała razhlad spravy, spaźniłasia da pačatku sudovaha pasiadžeńnia nie patłumačyŭšy pryčynaŭ svaich dziejańniaŭ. Tamu sud pryniaŭ rašeńnie ab uziaćci Cimašenka Julii Uładzimiraŭny pad vartu», — adznačajecca ŭ pastanovie.
Paśla abviaščeńnia rašeńnia ŭ sud ŭvarvalisia bajcy «Bierkuta» i praź niekatory čas vyvieli Cimašenka.
Juliju Cimašenka vyvodzili pad kryki «Jula», «Jula».
Juliju Cimašenku vinavaciać u parušeńniach pry zaklučeńni hazavaha kantraktu z Rasijaj u 2009 h.
Na Chryščaciku pačali źbiracca aburanyja aryštam ludzi.
Cimašenka pradkazvała na minułym tydni, što aryštavać jaje zahadali z Administracyi prezidenta Ukrainy. Sudy va Ukrainie farmalna nie zaležać ad vykanaŭčaj ułady.