Žoncy Bialackaha zahadali sabrać mužu pieradaču
Paśla dopytu ŭ departamiencie finansavych rasśledavańniaŭ (DFR) Kamiteta dziaržkantrolu pravaabaronca Aleś Bialacki zastaniecca pad vartaj.
Jak paviedamiła pravaabaronca Taćciana Raviaka, kala 18.00 žoncy Bialackaha Natalli patelefanavali supracoŭniki DFR i skazali padrychtavać pieradaču i pryvieźci jaje ŭ departamient. Da hetaha Bialackaha na praciahu bolš čym čatyroch hadzin dapytvała śledčaja hrupa DFR.
«Nijakich viestak my pakul nie atrymali, — skazała Raviaka. — Jakoje rašeńnie było pryniata, my nie viedajem, ale pa zvanku žoncy zrabili vysnovu, što Aleś zastajecca pad vartaj».