ES zaklikaŭ biełaruskija ŭłady rastłumačyć pryčyny zatrymańnia Alesia Bialackaha
Viarchoŭny pradstaŭnik ES pa zamiežnych spravach i palitycy biaśpieki Ketryn Eštan zaklikała biełaruskija ŭłady nieadkładna rastłumačyć pryčyny zatrymańnia pravaabaroncy Alesia Bialackaha.Pra heta havorycca ŭ zajavie Eštan, raźmieščanaj na sajcie Jeŭrapiejskaj słužby źniešniepalityčnaj dziejnaści.
Dypłamat vykazała zaniepakojenaść zatrymańniem «vybitnoha pravaabaroncy» i tym faktam, što pryvatnaje žyllo Bialackaha «było abšukanaje dziaržaŭnymi słužbami biaśpieki».
«Viarchoŭny pradstaŭnik znoŭ zajaŭlaje pra svajo hłybokaje škadavańnie adnosna nieadnarazovych aktaŭ zapałochvańnia i ŭcisku mirnych pravaabaroncaŭ u Biełarusi, a taksama adnosna praciahu admaŭleńniaŭ u pradastaŭleńni jurydyčnaha statusu niezaležnym pravaabarončym arhanizacyjam u krainie», — havorycca ŭ zajavie.