Irynie Chalip pryznačyli ŭmovy adbyćcia pakarańnia

Žurnalistka rasijskaj «Novoj haziety», žonka eks-kandydata na prezidenta Andreja Sańnikava Iryna Chalip stała na ŭlik u milicyi, dzie buduć kantralavać, jak jana adbyvaje pryznačanaje sudom pakarańnie — 2 hady pazbaŭleńnia voli z adterminoŭkaj na 2 hady. Iryna raspaviała pra ŭmovy adbyćcia pakarańnia, jakija joj pryznačany.

«Kožny dzień ja mušu, a 10-j viečara być doma i raz na tydzień adznačacca ŭ milicyi, što nikudy nie źjechała. Paśla 10-j viečara ŭ luby momant da mianie mohuć pryjści milicyjanty i pravieryć, ci vykonvaju ja hetaje praviła. Jeździć pa Biełarusi mnie nie zabaroniena, ale i praviła być doma, a 10-j viečara nie admianiajecca. Navat na leciščy z synam mnie pieranačavać nielha. A kali ja pajedu da muža ŭ kałoniju na trochdzionnaje spatkańnie, mnie vydaduć admysłovuju maršrutnuju kartu, jakuju adznačać u kałonii. Voś takija ŭmovy. U pracy nie abmiažoŭvajuć, ale ŭ Maskvu da pracadaŭcy jeździć pa svajoj voli nielha».

Iryna Chalip była asudžanaja Zavodskim sudom Minska za ŭdzieł u dziejańniach, jakija parušyli hramadski paradak. Prysud vyniesła sudździa Žanna Brysina.

Kamientary da artykuła