Adchilena čarhovaje chadajnictva z asabistym paručalnictvam za Bialackaha

Upraŭleńnie departamienta finansavych rasśledavańniaŭ (UDFR) Kamiteta dziaržkantrolu pa Minskaj vobłaści i Minsku nie zadavoliła chadajnictva viciebskaha pravaabaroncy Paŭła Levinava z asabistym paručycielstvam ab vyzvaleńni Alesia Bialackaha.

Pastanovu ab adchileńni chadajnictva padpisała śledčy adździeła papiaredniaha rasśledavańnia UDFR Taćciana Kasynkina, paviedamlaje pravaabarončy sajt www.spring96.org. Hetaje rašeńnie jana matyvuje tym, što padstaŭ dla źmianieńnia miery strymańnia Bialackamu niama. Čamu — u pastanovie nie tłumačycca.

Pavieł Levinaŭ ličyć heta parušeńniem častki 3 artykuła 137 Kryminalna-pracesualnaha kodeksa, zhodna ź jakoj u vypadku admovy ŭ zadavalnieńni chadajnictva orhan, jaki viadzie kryminalny praces, pavinien matyvavać svajo rašeńnie. Viciebski pravaabaronca maje namier abskardzić hetuju pastanovu ŭ prakuratury abo praz sud.

Jak paviedamlałasia raniej, za vyzvaleńnie Alesia Bialackaha padadziena ŭvohule kala 600 chadajnictvaŭ biełaruskich hramadzian i aŭtarytetnych zamiežnych dziejačaŭ. Usie jany ručajucca, što aryštavany pravaabaronca nie budzie sprabavać skrycca ad śledstva ŭ vypadku vyzvaleńnia z-pad varty.

Niekatoryja z paručycielaŭ taksama atrymali anałahičnyja admovy UDFR, dzie biez usialakich tłumačeńniaŭ skazana: padstaŭ dla źmianieńnia Bialackamu abranaj miery strymańnia — utrymańnie pad vartaj — niama.

Usio heta śviedčyć ab palityčnym charaktary kryminalnaha pieraśledu Bialackaha, pierakanany juryst RHA «Biełaruski Chielsinski kamitet» Hary Pahaniajła. «Aleś Bialacki — čarhovy załožnik ułady. Jana takim čynam sprabuje prademanstravać, što budzie z pravaabaroncami, hramadskimi aktyvistami i aktyvistami palityčnych partyj, jakija nie spyniać svaju dziejnaść», — zajaviŭ juryst u kamientaryi BiełaPAN.

Vice-prezident Mižnarodnaj fiederacyi pravoŭ čałavieka, kiraŭnik zakrytaha biełaruskimi ŭładami pravaabarončaha centra «Viasna» Aleś Bialacki byŭ zatrymany ŭ Minsku viečaram 4 žniŭnia. 5 žniŭnia ŭ dačynieńni da zatrymanaha abrali mieru strymańnia ŭ vyhladzie źniavoleńnia pad vartu. 12 žniŭnia pravaabaroncu pradjavili abvinavačańnie pa artykule 243 častcy 2 Kryminalnaha kodeksa (utojvańnie dachodaŭ u asabliva bujnym pamiery) i praciahnuli termin utrymańnia pad vartaj na dva miesiacy.

Aryšt Bialackaha vyklikaŭ šyroki rezanans. Vyzvaleńnia pravaabaroncy zapatrabavali kiraŭnictva Jeŭrasajuza, ZŠA i inšych dziaržaŭ, mižnarodnyja pravaabarončyja struktury, viadomyja hramadskija dziejačy i palityki.

Kamientary da artykuła