U Minsk prybyŭ novy pasoł Ukrainy Viktar Cichanaŭ
Jak paviedamili BiełaPAN u pres-słužbie ŭkrainskaj dypmisii, Cichanaŭ pryjechaŭ 25 žniŭnia. 26 žniŭnia jon uručyŭ kopii davierčych hramat ministru zamiežnych spraŭ Biełarusi. Ciapier pasoł "uvachodzić u kurs spraŭ", udakładnili ŭ pres-słužbie.
Jak paviedamlałasia raniej, prezident Ukrainy Viktar Janukovič ukazam ad 22 žniŭnia pryznačyŭ byłoha vice-premjera ŭrada Viktara Cichanava pasłom u Biełarusi. 62-hadovy Cichanaŭ — člen Partyi rehijonaŭ, jakuju ŭznačalvaje Janukovič, z 2006 hoda. Na pasadzie pasła ŭ Biełarusi jon źmianiŭ 45-hadovaha Ramana Biaśśmiertnaha, jaki ŭznačaliŭ dypmisiju ŭ Minsku na padstavie ŭkaza Viktara Juščanki 24 lutaha 2010 hoda (za sutki da inaŭhuracyi Janukoviča). 3 červienia hetaha hoda Biaśśmiertny, jaki nie raz rezka vykazvaŭsia adnosna palityki aficyjnaha Minska, byŭ vyzvaleny ad pasady dziejnym kiraŭnikom ukrainskaj dziaržavy.
Taćciana Karaviankova, BiełaPAN.