Karparacyja ISAR, Inc (ZŠA) spyniaje pracu ŭ Biełarusi
Z 15 vieraśnia niekamiercyjnaja karparacyja ISAR, Inc (ZŠA) spyniaje pracu na terytoryi Biełarusi i zakryvaje tut svajo pradstaŭnictva,aviedamiła dyrektar pradstaŭnictva karparacyi ISAR, Inc (ZŠA) u Biełarusi Alena Łajeŭskaja.
Pavodle jaje słoŭ, 11 hadoŭ karparacyja akazvała ŭ Biełarusi hrantavuju padtrymku prajektam, nakiravanym na pavyšeńnie śviadomaści i aktyŭnaści hramadskaści ŭ pryniaćci rašeńniaŭ, jakija tyčacca navakolnaha asiarodździa. Usiaho z dapamohaj ISAR, Inc (ZŠA) u Biełarusi było realizavana bolš za 200 prajektaŭ. Štohod karparacyja vydzialała na hetyja mety prykładna 50 tys. dołaraŭ.
Jak zajaviła dyrektar pradstaŭnictva, zakryćcio karparacyi
nie źviazana «z sumnajsacyjalna-palityčnaj situacyjaj» u Biełarusi. «Heta ŭnutranaje rašeńnie karparacyi», — skazała jana.
Razam z tym, pavodle słoŭ Łajeŭskaj, adnoj z pryčyn zakryćcia pradstaŭnictva karparacyi ŭ Biełarusi źjaŭlajecca «nie vielmi prazrysty» praces rehistracyi małych hrantaŭ. «Z adnaho boku jon dastatkova karotki ciapier, z druhoha boku my nazirali, što vielmi aktyŭnyja arhanizacyi, jakija mahli rabić vielmi dobryja prajekty, pa niejkich pryčynach nie atrymlivali hetuju rehistracyju», — skazała jana. Značyć, karparacyja «mahła akazvać padtrymku vielmi nievialikamu kołu arhanizacyj, pryčym za bortam zastavalisia vielmi dobryja prajekty».
U hetaj situacyi karparacyja šukaje novyja šlachi pracy, adnak dyrektar pradstaŭnictva pakul nie hatovaja abnarodavać płany na budučyniu ISAR, Inc (ZŠA) u Biełarusi.