Homielskija pradprymalniki farmirujuć čorny śpis najomnych rabotnikaŭ
Homielskija biźniesmieny, členy hramadskaha abjadnańnia sadziejničańnia raźvićciu pryvatnaha pradprymalnictva «Adzinstva», pačali farmiravać čorny śpis najomnych rabotnikaŭ. Pra heta BiełaPAN paviedamiła dyrektar «Adzinstva» Ina Kustava.
Pavodle jaje słoŭ, farmiravańnie śpisu zaklikana
zaścierahčy pradprymalnikaŭ ad niesumlennych najomnych rabotnikaŭ.Prapanova ab čornym śpisie pastupiła ad pradprymalnika Navuma Kaca, najomny rabotnik jakoha prynios «jamu i pradpryjemstvu peŭnyja niepryjemnaści».
«Kožny z nas sutykaŭsia ź niadobrasumlennaściu i samavolstvam supracoŭnikaŭ, jakija zdolnyja nanieści istotny ŭron kampanii. Papracavaŭšy niekatory čas, pajści z klijenckaj bazaj, abo, zajmajučysia machlarstvam, pamienšyć prybytak kampanii, abo prosta vykarystoŭvać nieefiektyŭna svoj pracoŭny čas. Ułasnymi siłami pravieryć kandydaturu na adkrytuju vakansiju składana — svajoj słužby biaśpieki my nie majem. Tamu kab choć niejak zaścierahčy ad niebiaśpieki budučyniu svaich kampanij, nieabchodna mieć čorny śpis rabotnikaŭ, u jaki my budziem zazirać, prymajučy rašeńnie ab pryjomie na pracu novaha supracoŭnika» — tak rastłumačyŭ biźniesmien svaju prapanovu.
Pavodle słoŭ Kustavaj, kalehi padtrymali prapanovu i ŭžo aktyŭna ŭnosiać proźviščy niadobrasumlennych rabotnikaŭ, a taksama nazvy arhanizacyj, jakija nie vykonvajuć dahavornyja abaviazacielstvy.
«Razam z tym my farmirujem i „bieły śpis“, u jaki ŭklučajem dobrych rabotnikaŭ i pradpryjemstvy. U adkrytym dostupie čornaha śpisu nie budzie, u tym liku